വിയ്യൂർ അതിസുരക്ഷ ജയിലിലെ തടവുകാരന് ബ്രൗൺഷുഗർ നൽകാനെത്തി : ക​രു​നാ​ഗ​പ്പ​ള്ളി സ്വദേശി ഇജാസ് പിടിയിൽ

തൃ​ശൂ​ർ: വി​യ്യൂ​ർ അ​തി​സു​ര​ക്ഷ ജ​യി​ലി​ലെ ത​ട​വു​കാ​ര​ന് മയക്കുമരുന്ന് കൊ​ടു​ക്കാ​നെ​ത്തി​യ യു​വാ​വ് അറസ്റ്റിൽ. ക​രു​നാ​ഗ​പ്പ​ള്ളി വ​വ്വാ​ക്കാ​വ് വ​ര​വി​ള​യി​ൽ ത​റ​യി​ൽ തെ​ക്കേ​തി​ൽ ഇ​ജാ​സാ​ണ് (38) അ​റ​സ്​​റ്റി​ലാ​യ​ത്.

നി​ര​വ​ധി കേ​സു​ക​ളി​ലെ പ്ര​തിയാണ് ഇജാസ്. ഒ​രു കേ​സി​ൽ ശി​ക്ഷ​യ​നു​ഭ​വി​ച്ച് ക​ഴി​ഞ്ഞ ഫെ​ബ്രു​വ​രി​യി​ലാ​ണ് ഇ​ജാ​സ് വി​യ്യൂ​ർ സെ​ൻ​ട്ര​ൽ ജ​യി​ലി​ൽ നി​ന്നി​റ​ങ്ങി​യ​ത്.

ത​ട​വു​കാ​ര​ന് ന​ൽ​കാ​ൻ ജ​യി​ല​ധി​കൃ​ത​ർ​ക്ക് കൈ​മാ​റി​യ ചെ​രി​പ്പി​നു​ള്ളി​ൽ ഒ​ളി​പ്പി​ച്ച നി​ല​യി​ലാ​ണ് ബ്രൗ​ൺ​ഷു​ഗ​ർ ക​ണ്ടെ​ത്തി​യ​ത്. ജ​യി​ലി​ലെ ഫോ​ൺ വി​ളി​ക​ളി​ൽ നി​രീ​ക്ഷ​ണം ഏ​ർ​പ്പെ​ടു​ത്തി​യ​തും വി​ളി​ക​ൾ റെ​ക്കോ​ഡ് ചെ​യ്യ​പ്പെ​ട്ട​തു​മാ​ണ് ഇയാളെ പിടിക്കാൻ സഹായിച്ചത്.

Read Also : ധനകാര്യ സ്ഥാപനത്തിലെ കണക്കിൽ തിരിമറി നടത്തി ലക്ഷങ്ങൾ തട്ടി : രണ്ടാം പ്രതി അ​ല്‍ അ​മീ​ന്‍ അറസ്റ്റിൽ

ത​ട​വു​കാ​ര​ൻ ഭാ​ര്യ​യോ​ട് ഫോ​ണി​ൽ സം​സാ​രി​ക്കു​ന്ന​തി​നാ​യി വി​ളി​ച്ച് ഇ​തി​ലൂ​ടെ കോ​ൺ​ഫ​റ​ൻ​സ് കോ​ളാ​യി മാ​റ്റി​യാ​ണ് ഇ​ജാ​സു​മാ​യി സം​സാ​രി​ച്ച​ത്. പൊ​ടി വേ​ണ​മെ​ന്ന ത​ട​വു​കാ​രന്റെ ആ​വ​ശ്യ​ത്തോ​ട് ശ​നി​യാ​ഴ്ച ചെ​രി​പ്പ് ന​ൽ​കാ​നെ​ത്താ​മെ​ന്നും അ​തി​നു​ള്ളി​ലു​ണ്ടാ​വു​മെ​ന്നും അ​റി​യി​ക്കു​ക​യാ​യി​രു​ന്നു.

നിലവിൽ വി​യ്യൂ​ർ സെ​ൻ​ട്ര​ൽ ജ​യി​ലി​ലും അ​തി​സു​ര​ക്ഷ ജ​യി​ലി​ലും പൂ​ജ​പ്പു​ര സെ​ൻ​ട്ര​ൽ ജ​യി​ലി​ലു​മാ​ണ് ത​ട​വു​കാ​രു​ടെ ഫോ​ൺ​വി​ളി​ക​ൾ റെ​ക്കോ​ഡ് ചെ​യ്യു​ന്ന സം​വി​ധാ​ന​മു​ള്ള​ത്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി റിമാൻഡ് ചെയ്തു.