AlappuzhaKeralaLatest News

കസേര കൊണ്ടടിച്ചു, ക്രൂര മർദ്ദനത്തിനിരയായ യുവതി ചികിത്സയ്ക്കിടെ മരിച്ചു: ഭർത്താവ് അറസ്റ്റിൽ

തൊഴിലുറപ്പ് തൊഴിലാളിയായ അന്നമ്മ പുന്നപ്ര പുത്തൻപുരയ്ക്കൽ ബൈജു പ്രസാദിന്റെയും റീത്താമ്മയുടെയും മകളാണ്.

അമ്പലപ്പുഴ: ഭർത്താവിന്റെ ക്രൂരമർദനത്തിനിരയായ യുവതി ചികിത്സയ്ക്കിടെ മരിച്ച സംഭവത്തിൽ ഭർത്താവ് അറസ്റ്റിൽ. പുന്നപ്ര പറവൂർ വെളിയിൽ യേശുദാസിന്റെ ഭാര്യ സൗമ്യ (അന്നമ്മ 31) ആണ് മരിച്ചത്. മെഡിക്കൽ കോളജ് ആശുപത്രിയിൽ ഇന്നലെ രാത്രിയിലായിരുന്നു മരണം. സംഭവത്തിൽ ഭർത്താവ് യേശുദാസിനെ (40) പുന്നപ്ര പൊലീസ് കസ്റ്റഡിയിലെടുത്തു. തൊഴിലുറപ്പ് തൊഴിലാളിയായ അന്നമ്മ പുന്നപ്ര പുത്തൻപുരയ്ക്കൽ ബൈജു പ്രസാദിന്റെയും റീത്താമ്മയുടെയും മകളാണ്.

തലയ്ക്കും മുഖത്തും ഏറ്റ ഗുരുതര പരുക്കാണ് മരണത്തിനിടയാക്കിയതെന്ന് ഡോക്ടർമാർ പറഞ്ഞു. ഇന്നലെ ഉച്ചയോടെ വീട്ടിൽ വച്ചുണ്ടായ വാക്കേറ്റത്തെ തുടർന്നായിരുന്നു മർദനം. തലയ്ക്കും മുഖത്തും കല്ലും കസേരയും കൊണ്ടടിയേറ്റ് തളർന്നു വീണ അന്നമ്മയെ നാട്ടുകാരാണ് ആശുപത്രിയിലെത്തിച്ചത്. മൃതദേഹം മോർച്ചറിയിലേക്കു മാറ്റി. മക്കൾ: ക്രിസ്റ്റി, അയോണ.

 

shortlink

Related Articles

Post Your Comments


Back to top button