Latest NewsUAENewsInternationalGulf

യുഎഇയിൽ കനത്ത മഴ: വാഹനമോടിക്കുന്നവർക്ക് മുന്നറിയിപ്പ് നൽകി ദുബായ് പോലീസ്

ദുബായ്: യുഎഇയിൽ കനത്ത മഴ. വെള്ളിയാഴ്ച്ച രാവിലെ മുതൽ കനത്ത മഴയാണ് യുഎഇയിൽ അനുഭവപ്പെടുന്നത്. ദുബായ്, ഷാർജ എന്നിവയുൾപ്പെടെ രാജ്യത്തിന്റെ വിവിധ ഭാഗങ്ങളിൽ ഇടിയോട് കൂടിയ ശക്തമായ മഴ പെയ്യുന്നുണ്ട്. റോഡിൽ പലയിടത്തും മഴ വെള്ളം നിറഞ്ഞു. അതിനാൽ ഗതാഗതം മന്ദഗതിയിലായി. ഇടുങ്ങിയ റോഡുകളിൽ വെള്ളം തളം കെട്ടിനിൽക്കുന്നതിനാൽ കാൽനടയാത്രയും പ്രതിസന്ധിയിലാണ്.

Read Also: രാഷ്ട്രപതിക്ക് ഡി-ലിറ്റ് നല്‍കരുതെന്ന് തീരുമാനിച്ചിട്ടുണ്ടോ? സർക്കാർ വ്യക്തമാക്കണമെന്ന് വി മുരളീധരന്‍

കനത്ത മഴയുടെ പശ്ചാത്തലത്തിൽ വാഹനമോടിക്കുന്നവർക്ക് ദുബായ് പൊലീസ് മുന്നറിയിപ്പ് നൽകി. ഡ്രൈവർമാർ വേഗത കുറയ്ക്കണമെന്നും വാഹനങ്ങൾക്കിടയിൽ സുരക്ഷിതമായ അകലം പാലിക്കണമെന്നും പോലീസ് നിർദ്ദേശിച്ചു. സുരക്ഷയ്ക്കായി സഡൻ ബ്രേക്കിങ് ഒഴിവാക്കണമെന്നും പോലീസ് നിർദ്ദേശം നൽകി. യുഎഇയിൽ മഴയ്ക്ക് സാധ്യതയുണ്ടെന്ന് നേരത്തെ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകിയിരുന്നു.

Read Also: രാജ്യവ്യാപകമായി ക്രിസ്ത്യൻ വിഭാഗത്തെ ആക്രമിക്കുന്നു, സംഘപരിവാറിന്റെ ക്രിസ്ത്യൻ സ്നേഹം കാപട്യം നിറഞ്ഞത്: മുഖ്യമന്ത്രി

shortlink

Related Articles

Post Your Comments

Related Articles


Back to top button