നടി മാല പാർവതിയുടെ പിതാവ് സി.വി.ത്രിവിക്രമൻ അന്തരിച്ചു

തിരുവനന്തപുരം : വയലാർ രാമവർമ ട്രസ്റ്റ് സെക്രട്ടറിയും നടി മാല പാർവതിയുടെ പിതാവുമായ സി.വി.ത്രിവിക്രമൻ അന്തരിച്ചു. മാലപാർവതി തന്നെയാണ് പിതാവിന്റെ മരണവാർത്ത ഫേസ്‌ബുക്കിൽ പോസ്റ്റ് ചെയ്തത്. പ്രശസ്ത ഗൈനക്കോളജിസ്റ്റ് ഡോ. ടി.ലളിതയാണ് ഭാര്യ. മറ്റൊരു മകൾ: ലക്ഷ്മി എം.കുമാരൻ.

മാലപാർവതിയുടെ പോസ്റ്റ് കാണാം:

എൻ്റെ അച്ഛൻ പോയി! ഇന്ന് കാലത്ത്! അവസാനം സംസാരിച്ചതും വയലാറിനെ കുറിച്ചാണ്.പെരുമ്പടവത്തിനോടും. ദത്തൻ മാഷിനോടും സംസാരിക്കുകയായിരുന്നു. രാത്രിയാണ് എന്ന് പറഞപ്പോൾ സൂക്ഷിച്ച് നോക്കി.കാനായി ശില്പം ചെയ്തോ? ചേർത്തലയിലെ അംബാലികാ ഹാൾ അനാഥമാവരുത് എന്നും പറയുന്നുണ്ടായിരുന്നു.

ഈ മനോഹര തീരത്ത് തരുമോ.. എന്ന ദാഗം കുറേ ആവർത്തി പറഞ്ഞു. ഇതെല്ലാം ഒരു 3.30 മണിയ്ക്കായിരുന്നു. കഫം തുപ്പാൻ ബുദ്ധിമുട്ടുണ്ടായിരുന്നു.സതീശൻ്റെ ദേഹത്തേക്ക് ചാരി ഇരിക്കുകയായിരുന്നു. ഞാൻ നെഞ്ച് തടയുന്നതിനിടയിൽ.. മയങ്ങി.. ഉറങ്ങി. കാലത്ത് 5.50 ന്.