കോ​ന്നി വ​ന​മേ​ഖ​ല​യി​ൽ മൃ​ത​ദേ​ഹ​ത്തി​ന്‍റെ അ​വ​ശി​ഷ്ട​ങ്ങ​ൾ ക​ണ്ടെ​ത്തി

പ​ത്ത​നം​തി​ട്ട: കോ​ന്നി വ​ന​മേ​ഖ​ല​യി​ൽ ദിവസങ്ങളോളം പഴക്കമുള്ള മൃ​ത​ദേ​ഹ​ത്തി​ന്‍റെ അ​വ​ശി​ഷ്ട​ങ്ങ​ൾ ക​ണ്ടെ​ത്തി. സെ​പ്റ്റം​ബ​റി​ൽ വ​ന​ത്തി​നു​ള്ളി​ൽ കാ​ണാ​താ​യ ദ​മ്പ​തി​ക​ൾ​ക്ക് വേ​ണ്ടി വ​നം​വ​കു​പ്പ് സം​ഘം പ​രി​ശോ​ധ​ന ന​ട​ത്തി​വ​രി​ക​യാ​യി​രു​ന്നു. ഇ​തി​നി​ടെ​യാ​ണ് ഉ​ൾ​വ​ന​ത്തി​ൽ ത​ല​യോ​ട്ടി​യും അ​സ്ഥി​ക​ളും ഉ​ൾ​പ്പ​ടെ​യു​ള്ള​വ ക​ണ്ടെ​ത്തി​യ​ത്.

​വന​ത്തി​ൽ നി​ന്നും തേ​നും കു​ന്തി​രി​ക്ക​വും ശേ​ഖ​രി​ക്കാ​ൻ പോ​യ കൊ​ക്കാ​ത്തോ​ട് കോ​ട്ട​മ​ണ്‍​പാ​റ ഗി​രി​ജ​ൻ കോ​ള​നി​യി​ൽ ശ​ശി (22), ഭാ​ര്യ സു​നി​ത (24) എ​ന്നി​വ​രെ​യാ​ണ് കാ​ണാ​താ​യ​ത്. തുടർന്ന് ഇ​രു​വ​രെ​യും കാ​ണാ​നി​ല്ലെ​ന്ന് കാ​ട്ടി യു​വ​തി​യു​ടെ പി​താ​വ് അ​ച്യു​ത​ൻ ജ​നു​വ​രി ഒ​ന്നി​നാ​ണ് പൊലീ​സി​ൽ പ​രാ​തി ന​ൽ​കി​യ​ത്.

Read Also : കേരളം വൈകാതെ ഉത്തരേന്ത്യന്‍ അരക്ഷിത ശൈലിയിലേക്കെത്തും: ശിഹാബുദ്ദീന്‍ പൊയ്ത്തുംകടവ്

പി​ന്നാ​ലെ കോ​ന്നി പൊലീ​സ് കേ​സ് ര​ജി​സ്റ്റ​ർ ചെ​യ്ത് അന്വേഷണം നടത്തി വരികയായിരുന്നു. തു​ട​ർ​ന്ന് വ​ന​പാ​ല​ക സം​ഘ​ത്തി​നൊ​പ്പം ബു​ധ​നാ​ഴ്ച പൊലീ​സ് ന​ട​ത്തി​യ തെ​ര​ച്ചി​ലി​ലാ​ണ് മൃ​ത​ദേ​ഹ​ത്തി​ന്‍റെ അ​വ​ശി​ഷ്ട​ങ്ങ​ൾ ക​ണ്ടെ​ടു​ത്ത​ത്. ക​ണ്ടെ​ടു​ത്ത അ​വ​ശി​ഷ്ട​ങ്ങ​ൾ ഫോ​റ​ൻ​സി​ക് പ​രി​ശോ​ധ​ന​യ്ക്ക് അ​യ​യ്ക്കും.

അ​തേ​സ​മ​യം ക​ണ്ടെ​ടു​ത്ത അ​വ​ശി​ഷ്ട​ങ്ങ​ൾ കാ​ണാ​താ​യ ദമ്പതികളുടെ ത​ന്നെ​യാ​ണോ എ​ന്ന് സ്ഥി​രീ​ക​രി​ക്കാ​ൻ കൂ​ടു​ത​ൽ പ​രി​ശോ​ധ​ന​ക​ൾ ആ​വ​ശ്യ​മാ​ണെന്ന് പൊലീസ് വ്യക്തമാക്കി.