മന്ത്രിസഭയിൽനിന്ന് ഒഴിവാക്കിയത് മുസ്ലിമായതു കൊണ്ട്: ആരോപണവുമായി വനിതാ മന്ത്രി

ലണ്ടൻ: മന്ത്രിസഭയിൽ നിന്ന് പുറത്തായത് മുസ്ലിമായതു കൊണ്ടാണെന്ന ആരോപണവുമായി വനിതാ മന്ത്രി. ബോറിസ് ജോൺസൺ മന്ത്രിസഭയിൽ ഗതാഗത മന്ത്രിയായിരുന്നു നുസ്രത് ഗനി(49.) തന്റെ സ്വത്വം സഹപ്രവർത്തകരെ അസ്വസ്ഥപ്പെടുത്തിയിരുന്നെന്നും സൺഡേ ടൈംസിന് നൽകിയ അഭിമുഖത്തിൽ മന്ത്രി വ്യക്തമാക്കി. ബ്രിട്ടനിലെ ആദ്യ മുസ്ലിം വനിതാ മന്ത്രിയായിരുന്ന നുസ്രത് ഗനി 2108ലാണ് അധികാരമേറ്റത്. എന്നാൽ 2020 ഫെബ്രുവരിയിൽ നടന്ന പുനഃസംഘടനയിൽ ഇവർക്ക് സ്ഥാനം നഷ്ടപ്പെട്ടു.

‘മുസ്‌ലിം വനിതാ മന്ത്രിയെന്ന എന്റെ സ്റ്റാറ്റസ് സഹപ്രവർത്തരെ അസ്വസ്ഥപ്പെടുത്തിയിരുന്നു. വയറ്റിൽ അടിയേറ്റ പോലെയായിരുന്നു അത്. ഞാൻ അപമാനിതയായി. എന്നാൽ സംഭവം പാർട്ടിയിലുള്ള വിശ്വാസത്തെ ഉലച്ചിട്ടില്ല. എംപി സ്ഥാനം രാജി വയ്ക്കണമെന്ന് ആലോചിച്ചിരുന്നു’ നുസ്രത് ഗനി പറഞ്ഞു.

കോഹ്‌ലിക്കെതിരെ ഇന്ത്യയില്‍ വലിയൊരു ലോബി പ്രവർത്തിക്കുന്നു: വിവാദ പ്രസ്താവനയുമായി മുൻ പാക് ക്രിക്കറ്റ് താരം അക്തർ

നുസ്രത്തിന്റെ ആരോപണങ്ങൾ തള്ളിയ ഗവൺമെന്റ് ചീഫ് വിപ്പ് മാർക് സ്‌പെൻസർ പരാമർശങ്ങൾ അപകീർത്തികരമാണ് എന്നും അസംബന്ധമാണ് എന്നും പ്രതികരിച്ചു. അതേസമയം, ആരോപണം അന്വേഷിക്കണമെന്ന് മന്ത്രി നദിം സവാഹി ആവശ്യപ്പെട്ടു.