‘നി​ന​ക്കൊ​ക്കെ വേ​​റെ പ​ണി​ക്ക്​ പോ​യി​ക്കൂ​ടെ? പി​ച്ച തെ​ണ്ടാ​ൻ പോ​യ്​​ക്കോ…’: വായ്പ കെണി വിരിച്ച് ആപുകൾ

കോ​ഴി​ക്കോ​ട്​: മൊ​ബൈ​ൽ ആ​പ്​ സം​ഘ​ങ്ങ​ൾ ഭീഷണിപ്പെടുത്തിയതായി പരാതി. ഗുണ്ടാ സംഘങ്ങളുടെ ഭീഷണിയെ വെല്ലുന്ന തരത്തിലുള്ള പ്രയോഗങ്ങളണ് ആ​പ്​ സം​ഘ​ങ്ങൾ ഉപയോഗിക്കുന്നത്. ‘നി​ന​ക്കൊ​ക്കെ വേ​​റെ പ​ണി​ക്ക്​ പോ​യി​ക്കൂ​ടെ? പി​ച്ച തെ​ണ്ടാ​ൻ പോ​യ്​​ക്കോ. കാ​ശ്​ ത​ന്നി​ല്ലെ​ങ്കി​ൽ വി​വ​ര​മ​റി​യും’- ആ​പ്​ സം​ഘ​ങ്ങ​ളു​ടെ വി​ര​ട്ട​ലാ​ണി​ത്. ജി​ല്ല​യി​ലെ ന​ഗ​ര​പ്ര​ദേ​ശ​ത്തെ ഒ​രു യു​വ​തി​ക്കാ​ണ്​ ഈ ​അ​നു​ഭ​വം.

കൈ​വി​ര​ൽ തു​മ്പ​ത്ത്​ വാ​യ്പ ല​ഭി​ക്കു​ന്ന​തി​നാ​ൽ ആ​പു​ക​ളി​ൽ ത​ല​വെ​ക്കു​ന്ന​വ​രു​ടെ എ​ണ്ണം ജി​ല്ല​യി​ൽ വീ​ണ്ടും വ​ർ​ധി​ക്കു​ക​യാ​ണ്. ര​ണ്ട്​ വ​ർ​ഷം മു​മ്പ്​ നി​ര​വ​ധി പ​രാ​തി​ക​ൾ ല​ഭി​ക്കു​ക​യും സ​ർ​ക്കാ​ർ ത​ല​ത്തി​ൽ ചി​ല ഇ​ട​പെ​ട​ലു​ക​ൾ​ക്ക്​ ശ്ര​മം ന​ട​ത്തു​ക​യും ചെ​യ്തി​രു​ന്നു.

Read Also: പാരാസെറ്റമോളിന്‍റെ ദൈനംദിന ഉപയോഗം രക്തസമ്മര്‍ദം കൂട്ടും: പഠന റിപ്പോർട്ട് പുറത്ത്

എ​ന്നാ​ൽ, വാ​യ്പ ത​ട്ടി​പ്പു​കാ​ർ പൂ​ർ​വാ​ധി​കം ശ​ക്​​തി​യോ​ടെ തി​രി​ച്ചു​വ​ന്നി​ട്ടു​ണ്ട്. കോ​വി​ഡി​നെ തു​ട​ർ​ന്നു​ള്ള സാ​മ്പ​ത്തി​ക പ്ര​തി​സ​ന്ധി ഇ​വ​ർ മു​ത​ലെ​ടു​ക്കു​ക​യാ​ണ്. ഗൂ​ഗ്​​ൾ പ്ലേ​സ്​​റ്റോ​റി​ൽ​നി​ന്ന്​ ഡൗ​ൺ​ലോ​ഡ്​ ചെ​യ്​​ത്​ വി​ലാ​സം ഉ​റ​പ്പി​ക്കു​ന്ന​ത​ട​ക്ക​മു​ള്ള കു​റ​ച്ച്​ രേ​ഖ​ക​ൾ മാ​ത്രം ന​ൽ​കി​യാ​ണ്​ വാ​യ്പ​ ആ​പു​ക​ളു​ടെ ‘ആ​പ്പി’​ൽ പെ​ടു​ന്ന​ത്. വാ​യ്പ​യെ​ടു​ത്ത​യാ​ളെ മോ​ശ​മാ​യി ചി​ത്രീ​ക​രി​ക്കും. വാ​ട്​​സ്ആ​പ്പ്​ ഗ്രൂ​പ്പു​ണ്ടാ​ക്കി അ​പ​കീ​ർ​ത്തി​ക​ര​മാ​യ ഫോ​ട്ടോ​ക​ൾ പ്ര​ച​രി​പ്പി​ക്കു​ന്ന​തും വീ​ണ്ടും തു​ട​ങ്ങി​യി​ട്ടു​ണ്ട്.