ഏറ്റവും പോഷകസമൃദ്ധമായ ഒരു ഭക്ഷണ പദാർത്ഥമാണ് നാളികേരം. കേരളീയർക്ക് മാറ്റിനിർത്താൻ കഴിയാത്ത ഒന്നായ നാളികേരത്തിന്റെ യഥാർത്ഥ ഗുണങ്ങൾ പലർക്കും അറിയില്ല എന്നതാണ് സത്യം. കശുവണ്ടിപ്പരിപ്പ്, ബദാം, പിസ്ത തുടങ്ങിയ കൊഴുപ്പും മാംസ്യവും സമൃദ്ധമായി അടങ്ങിയിട്ടുള്ള എണ്ണക്കുരുക്കളുടെ വിഭാഗത്തില്‍പ്പെടുത്തേണ്ടതാണ്.
ചെറുപ്രായത്തില്‍ കുഞ്ഞുങ്ങളെ ദേഹത്ത് തേങ്ങാപ്പാല്‍ പുരട്ടി കുളിപ്പിക്കുന്നത് വളരെ നല്ലതാണ്. തലയിൽ തേയ്ക്കാൻ വെളിച്ചെണ്ണയോളം ഗുണമുള്ള മറ്റൊന്നില്ല. മറ്റു ഭക്ഷണസാധനങ്ങള്‍ പോലെ തേങ്ങ ഒരിക്കലും ജീര്‍ണിക്കുന്നില്ല. കാണാനും തൊടാനും രുചിക്കാനും ഗന്ധം ആസ്വദിക്കാനും ആരും ഇഷ്ടപ്പെടുന്ന ഫലമാണ് തേങ്ങ.
Read Also : വേറൊരാൾ നന്നായിരുന്നാൽ കുഴപ്പം തോന്നുന്ന ഏക വർഗ്ഗം മലയാളിയാണ്: രഹന ഫാത്തിമ
വിളഞ്ഞ തേങ്ങ ഏതാനും ദിവസം പരിചരിച്ചാല്‍ അത് മുളയ്ക്കുന്നതായി കാണാം. അതിനര്‍ഥം ഇത് ജീവനും ആത്മാവും ഉള്ള ഒരു ഫലം ആണെന്നാണ്. തേങ്ങ ഏതു ഭക്ഷണ സാധനത്തോടും ചേര്‍ത്തു കഴിക്കാം. പച്ചക്കറികളുടെ കൂടെയും പഴത്തിന്റെ കൂടെയും പയറുവര്‍ഗങ്ങളുടെ കൂടെയും തേങ്ങ ചേരുമെന്നു മാത്രമല്ല സ്വാദിഷ്ഠവും ദഹനക്ഷമവുമായിരിക്കും. തേങ്ങ പച്ചയായും വേവിച്ചും കറികളായും എങ്ങനെയും കഴിയ്ക്കാം.
തേങ്ങയുടെ ചിരട്ടയോടു കൂടിയ ബ്രൗണ്‍ നിറത്തിലുള്ള നേരിയ തൊലി ഒരിക്കലും കളയരുത്. അതില്‍ ധാരാളം പോഷകവസ്തുക്കള്‍ അടങ്ങിയിട്ടുണ്ട്. അതുപോലെ തേങ്ങ അധികം നേരം തിളപ്പിക്കുകയും അരുത്. വാങ്ങിവെക്കാന്‍ നേരത്തു മാത്രമേ തേങ്ങാപ്പാലും വെളിച്ചെണ്ണയും ചേര്‍ക്കാവൂ.
Post Your Comments