കൊച്ചി: നെടുമ്പശ്ശേരി വിമാനത്താവളത്തില്‍ വന്‍ സ്വര്‍ണ്ണവേട്ട. ഒരു കോടിയോളം രൂപ വിലവരുന്ന 1.9 കിലോ സ്വര്‍ണ്ണം കസ്റ്റംസ് പിടികൂടി. എയര്‍ അറേബ്യ വിമാനത്തില്‍ ഷാര്‍ജയില്‍ നിന്നെത്തിയ മലപ്പുറം സ്വദേശികളായ സിദ്ധാര്‍ഥ് മധുസൂദനന്‍, നിതിന്‍ ഉണ്ണികൃഷ്ണന്‍ എന്നിവരില്‍ നിന്നാണ് സ്വര്‍ണ്ണം പിടികൂടിയത്. ഇരുവരേയും കസ്റ്റംസ് അറസ്റ്റ് ചെയ്തു.
സിദ്ധാര്‍ഥ് 1.1കിലോ സ്വര്‍ണ്ണ മിശ്രിതവും നിതിന്‍ 851 ഗ്രാം സ്വര്‍ണ്ണ മിശ്രിതവുമാണ് കൊണ്ടു വന്നത്. സ്വര്‍ണ്ണ മിശ്രിതം ക്യാപ്‌സൂള്‍ രൂപത്തിലാക്കി ഗര്‍ഭ നിരോധന ഉറകളില്‍ പൊതിഞ്ഞ് ശരീരത്തിനുള്ളില്‍ ഒളിപ്പിച്ച നിലയിലായിരുന്നു.
Read Also : ‘തലശേരിയിലെ സിപിഎം പ്രവർത്തകനെ കൊലപ്പെടുത്തിയത് ബിജെപി നേതൃത്വത്തിന്റെ അറിവോടെ’- എം.വി ജയരാജന്‍
ഫെബ്രുവരി 14-നും വിമാനത്താവളത്തില്‍ വന്‍ സ്വര്‍ണ്ണവേട്ട നടന്നിരുന്നു. 6.2 കിലോ സ്വര്‍ണ്ണമാണ് അന്ന് പിടികൂടിയത്. ദുബായ്, ഷാര്‍ജ, ജിദ്ദ എന്നിവിടങ്ങളില്‍ നിന്നെത്തിയ ഏഴ് യാത്രക്കാരില്‍ നിന്നാണ് സ്വര്‍ണ്ണം പിടിച്ചെടുത്തത്.
Post Your Comments