സിഡ്നി: തന്റെ ഇളയ മകൻ ആര്‍ച്ചി ഇന്ത്യന്‍ സൂപ്പര്‍ താരം വിരാട് കോഹ്‌ലിയുടെ ഫാനാണെന്നാണ് ഓസീസ് ഇതിഹാസ വിക്കറ്റ് കീപ്പര്‍ ആദം ഗില്‍ക്രിസ്റ്റ്. 2018-2019ലെ ബോര്‍ഡര്‍ ഗവാസ്‌കര്‍ ട്രോഫിക്കിടയില്‍ ഉണ്ടായ സംഭവത്തെക്കുറിച്ചാണ് ഗില്‍ക്രിസ്റ്റ് തുറന്ന് പറഞ്ഞിരിക്കുന്നത്.
‘എന്റെ ഇളയ കുട്ടിയായ ആര്‍ച്ചിക്ക് ഈ വര്‍ഷം പുതിയൊരു ബാറ്റ് വാങ്ങേണ്ടതായുണ്ടായിരുന്നു. ഞാന്‍ ഉപയോഗിച്ചിരുന്ന പ്യൂമയുടെ ബാറ്റും വിരാട് കോഹ്‌ലി ഉപയോഗിക്കുന്ന എംആര്‍എഫ് ബാറ്റുമാണ് പരിഗണനയില്‍ ഉണ്ടായിരുന്നത്. ഇതില്‍ എംആര്‍എഫിന്റെ ബാറ്റാണ് അവന്‍ തിരഞ്ഞെടുത്തത്’ ഗില്‍ക്രിസ്റ്റ് പറഞ്ഞു.
Read Also:- ഇഞ്ചിയുടെ ഔഷധ ഗുണങ്ങൾ!
ആര്‍ച്ചി നേരത്തെ മുതല്‍ കോഹ്‌ലിയുടെ വലിയ ആരാധകനാണ്. കോഹ്‌ലി ബാറ്റ് ചെയ്യുന്ന മത്സരങ്ങള്‍ മുടങ്ങാതെ ആര്‍ച്ചി കാണാറുണ്ടെന്നും ഗില്‍ക്രിസ്റ്റ് നേരത്തെ വെളിപ്പെടുത്തിയിട്ടുണ്ട്. എംആര്‍എഫ് വികെ വണ്‍ഹണ്ട്രഡ് എന്നെഴുതിയ ബാറ്റാണ് ആര്‍ച്ചി ഉപയോഗിക്കുന്നത്.
Post Your Comments