വാ​ട​ക​വീ​ടി​നു​ള്ളി​ല്‍ അ​മ്മ​യും മ​ക​നും ജീവനൊടുക്കിയ നിലയിൽ

നേ​മം: വാ​ട​ക വീ​ടി​നു​ള്ളി​ല്‍ അ​മ്മ​യേ​യും മ​ക​നേ​യും ജീവനൊടുക്കിയ നി​ല​യി​ല്‍ ക​ണ്ടെ​ത്തി. നേ​മം മാ​ളി​ക​വീ​ട് ലെ​യ്നി​ല്‍ പൂ​രം വീ​ട്ടി​ല്‍ വാ​ട​ക​യ്ക്ക് താ​മ​സി​ച്ചി​രു​ന്ന സ​രോ​ജം (70), മ​ക​ന്‍ കെ.​രാ​ജേ​ഷ് (48) എ​ന്നി​വ​രെ​യാ​ണ് തൂങ്ങി മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. എ​റ​ണാ​കു​ളം പ​റ​വൂ​ര്‍ കോ​ട്ടു​മ്പ​ള്ളി കൈ​താ​രം സ്വ​ദേ​ശി​ക​ളാ​ണ്.

ര​വീ​ന്ദ്ര​ന്‍റെ ഉ​ട​മ​സ്ഥ​ത​യി​ലു​ള്ള ര​ണ്ടു​നി​ല വീ​ടി​ന്‍റെ മു​ക​ളി​ല​ത്തെ നി​ല​യി​ലെ കി​ട​പ്പു​മു​റി​യി​ലെ ഫാ​നി​ലും സ​മീ​പ​ത്തെ ക​മ്പി​യി​ലു​മാ​യാ​ണ് ഇ​വ​രെ തൂ​ങ്ങി​യ നി​ല​യി​ല്‍ ക​ണ്ടെ​ത്തി​യ​ത്. മൃ​ത​ദേ​ഹ​ങ്ങ​ള്‍​ക്ക് മൂ​ന്നു​ദി​വ​സ​ത്തെ​യെ​ങ്കി​ലും പ​ഴ​ക്ക​മു​ള്ള​താ​യി പൊലീ​സ് പ​റ​ഞ്ഞു.

Read Also : കെ റെയിലിനു കേന്ദ്രം കൂടെ നിൽക്കുമോ? കൂടിക്കാഴ്ചയ്ക്ക് കളമൊരുങ്ങുമ്പോൾ

ഇ​ന്ന​ലെ വൈ​കു​ന്നേ​രം ആണ് സംഭവം പുറത്തറിഞ്ഞത്. ഇ​വ​ര്‍ താ​മ​സി​ച്ചി​രു​ന്ന വീ​ട്ടി​ല്‍ നി​ന്നും ദു​ര്‍​ഗ​ന്ധം ഉ​ണ്ടാ​യ​തി​നെ തു​ട​ര്‍​ന്ന് അ​യ​ല്‍​വാ​സി​ക​ള്‍ വീ​ട്ടു​ട​മ​സ്ഥ​നെ വി​വ​രം അ​റി​യിക്കുകയായിരുന്നു. തുടർന്ന്, ന​ട​ത്തി​യ പ​രി​ശോ​ധ​ന​യി​ലാ​ണ് മൃ​ത​ദേ​ഹ​ങ്ങ​ള്‍ ക​ണ്ടെ​ത്തി​യ​ത്.

തു​ട​ര്‍​ന്ന്, നേ​മം പൊലീ​സി​നെ വി​വ​രം അ​റി​യി​ക്കു​ക​യാ​യി​രു​ന്നു. പ​ത​ഞ്ജ​ലി ഉ​ല്‍​പ്പ​ന്ന​ങ്ങ​ള്‍ വി​ല്‍​ക്കു​ന്ന ഷോ​പ്പി​ലാ​ണ് രാജേഷ് ജോലി നോക്കിയിരുന്നത്. ബ​ന്ധു​ക്ക​ളെ ക​ണ്ടെ​ത്തി വി​വ​ര​ങ്ങ​ള്‍ അ​റി​യാ​നു​ള്ള ശ്ര​മ​ത്തി​ലാ​ണ് പൊ​ലീ​സ്. ഫോ​റ​ന്‍​സി​ക് പ​രി​ശോ​ധ​ന​ക​ള്‍ ന​ട​ത്തി​യ ശേ​ഷം ഇ​ന്ന് മൃ​ത​ദേ​ഹ​ങ്ങ​ള്‍ പോസ്റ്റ്മോർട്ടത്തിനായി ആശുപത്രി മോർച്ചറിയിലേക്ക് മാറ്റും.