ശ്രീനഗർ: കശ്മീരിൽ നടന്ന ഭീകരാക്രമണത്തിൽ ബിജെപി നേതാവ് കൊല്ലപ്പെട്ടു. ബിജെപി നേതാവും പഞ്ചായത്ത് പ്രസിഡന്റുമായ മൻസൂർ അഹമ്മദാണ് കൊല്ലപ്പെട്ടത്. ബാരാമുള്ളയിൽ വച്ചാണ് ആക്രമണം ഉണ്ടായത്. മൻസൂർ അഹമ്മദിന് നേരെ ഭീകരർ വെടിയുതിർക്കുകയായിരുന്നുവെന്ന് ഔദ്യോഗിക വൃത്തങ്ങൾ അറിയിച്ചു.
മൻസൂറിനെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ബാരാമുള്ള ജില്ലയിലെ പഠാനിൽവെച്ചാണ് ആക്രമണമുണ്ടായത്. ഭീകരരെ കണ്ടെത്താനായി സൈന്യം പ്രദേശം വളഞ്ഞിരിക്കുകയാണ്. അക്രമികൾക്കു വേണ്ടിയുള്ള തെരച്ചിൽ ഊർജിതമാക്കിയെന്ന് അധികൃതർ അറിയിച്ചു. കഴിഞ്ഞ രണ്ടാഴ്ചയ്ക്കിടെ നിരവധി പേരാണ് പ്രദേശത്ത് ഭീകരരുടെ വെടിയേറ്റ് മരിച്ചത്.
Post Your Comments