Latest NewsKeralaNews

ഭര്‍ത്താവിനേയും കുട്ടികളേയും ഉപേക്ഷിച്ച് കാമുകനൊപ്പം ഒളിവില്‍ ജീവിതം ആരംഭിച്ച വീട്ടമ്മ പോലീസ് പിടിയില്‍

തിരുവല്ല: ഭര്‍ത്താവിനേയും കുട്ടികളേയും ഉപേക്ഷിച്ച് കാമുകനൊപ്പം സുഖവാസം ആരംഭിച്ച വീട്ടമ്മ അവസാനം പോലീസിന്റെ പിടിയിലായി. കണ്ണൂര്‍ വളപട്ടണം സ്വദേശിനിയും മൂന്ന് മക്കളുടെ അമ്മയുമായ വീട്ടമ്മയെയും ചമ്പക്കുളം സ്വദേശിയായ യുവാവിനെയുമാണ് അറസ്റ്റ് ചെയ്തത്. വളപട്ടണം പോലീസ് തിരുവല്ല പോലീസിന്റെ സഹായത്തോടെ, കഴിഞ്ഞ ദിവസം വൈകുന്നേരം കവിയൂരിലെ ഒരു വീട്ടില്‍ നിന്നാണ് ഇവരെ കസ്റ്റഡിയിലെടുത്തത്.

Read Also :ഇലക്‌ട്രിക് വാഹനങ്ങളില്‍ തുടർച്ചയായി തീപിടിച്ച്‌ അപകടമുണ്ടാകുന്നു: നിര്‍മ്മാതാക്കൾക്കെതിരെ കടുത്ത നടപടിയുമായി കേന്ദ്രം

ഒരാഴ്ചയായി യുവതിയും യുവാവും ഇവിടെ ഒളിച്ച് കഴിയുകയായിരുന്നുവെന്ന് പറയുന്നു. യുവതിയുടെ ബന്ധുക്കളുടെ പരാതിയിന്മേല്‍ വളപട്ടണം പോലീസ് അന്വേഷണം നടത്തി വരികയായിരുന്നു. മൊബൈല്‍ ടവര്‍ കേന്ദ്രീകരിച്ചു നടത്തിയ അന്വേഷണത്തിലാണ് ഇവര്‍ ഒളിവില്‍ കഴിഞ്ഞിരുന്ന സ്ഥലം പോലീസ് കണ്ടെത്തിയത്. പ്രായപൂര്‍ത്തിയാകാത്ത കുട്ടികളെ ഉപേക്ഷിച്ചു പോയതിനടക്കം യുവതിക്കെതിരെ കേസ് എടുക്കുമെന്ന് പോലീസ് പറഞ്ഞു.

shortlink

Related Articles

Post Your Comments


Back to top button