Latest NewsNewsLife Style

ദിവസവും നട്സ് കഴിക്കുന്നതുകൊണ്ടുള്ള ഗുണങ്ങൾ!

നട്സ് പൊതുവേ ആരോ​ഗ്യത്തിന് മികച്ചതാണെന്നാണ് ആരോഗ്യ വിദഗ്ധർ പറയുന്നത്. ദിവസവും 60 ​​ഗ്രാം നട്സ് കഴിക്കുന്നത് ബീജത്തിന്റെ ഗുണനിലവാരവും അളവും ചലനശേഷിയും ഗണ്യമായി മെച്ചപ്പെടുത്തും. ധാരാളം ഒമേഗ-3, ആന്റിഓക്‌സിഡന്റുകൾ (വിറ്റാമിൻ സി, ഇ, സെലിനിയം, സിങ്ക്), ഫോളേറ്റ്, മറ്റ് ഫൈറ്റോകെമിക്കലുകൾ എന്നിവ അടങ്ങിയ ഭക്ഷണമാണ് നട്‌സ്.

നട്‌സ് അടങ്ങിയ ഭക്ഷണം കഴിക്കുന്നത് ബീജത്തിന്റെ എണ്ണം 20 ശതമാനവും ബീജ ചലനശേഷി ആറ് ശതമാനവും രൂപഘടന ഒരു ശതമാനവും വർദ്ധിപ്പിക്കുമെന്ന് ​ഗവേഷകർ ചൂണ്ടിക്കാട്ടുന്നു. ഒമേഗ-3 ധാരാളമായി അടങ്ങിയിട്ടുള്ളതിനാൽ വാൾനട്ട് ലൈംഗിക പ്രവർത്തനം വർദ്ധിപ്പിക്കാൻ സഹായിക്കുന്നു. സിങ്ക്, എൽ-ആർജിനൈൻ, ഒമേഗ-3 എന്നിവയുൾപ്പെടെയുള്ള സംയുക്തങ്ങൾ നട്സിൽ അടങ്ങിയിട്ടുണ്ട്. ബാഴ്‌സലോണയിൽ നടന്ന ESHRE-യുടെ 34-ാമത് വാർഷിക പരിപാടിയിൽ അവതരിപ്പിച്ച പഠന റിപ്പോർട്ടിലാണ് ഇക്കാര്യങ്ങൾ വെളിപ്പെടുത്തിയത്.

Read Also:- മുഖത്തെ എണ്ണമയം കുറയ്ക്കാന്‍

‘നട്സ് കഴിക്കുന്നത് ബീജത്തിന്റെ ഡിഎൻഎ വിഘടനത്തിന്റെ അളവിൽ ഗണ്യമായ കുറവ് കാണിച്ചു. പഠനത്തിനായി 14 ആഴ്‌ചത്തെ ഡയറ്റ് പ്ലാനിനായി 18-35 വയസ് പ്രായമുള്ള ആരോഗ്യമുള്ള 119 യുവാക്കളെ ടീമിൽ ഉൾപ്പെടുത്തി. മലിനീകരണവും പുകവലിയും പാശ്ചാത്യ രീതിയിലുള്ള ഭക്ഷണക്രമത്തിലേക്കുള്ള പ്രവണതകളും ബീജത്തിന്റെ അളവിലും ഗുണനിലവാരത്തിലും ഇടിവുണ്ടാക്കിയതായി’ സ്‌പെയിനിലെ യൂണിവേഴ്‌സിറ്റാറ്റ് റോവിറ ഐ വിർജിലിൽ നിന്നുള്ള ആൽബർട്ട് സലാസ്-ഹ്യൂറ്റോസ് പറഞ്ഞു.

shortlink

Related Articles

Post Your Comments


Back to top button