നാ​ട​ൻ ബോം​ബു​ക​ൾ ക​ണ്ടെ​ത്തി​യ സം​ഭ​വ​ത്തി​ലെ പ്ര​ധാ​ന പ്ര​തി​ അറസ്റ്റിൽ

തി​രു​വ​ന​ന്ത​പു​രം: ക​ഴ​ക്കൂ​ട്ടം സ്റ്റേ​ഷ​ൻ ക​ട​വ് ഭാ​ഗ​ത്ത് നാ​ട​ൻ ബോം​ബു​ക​ൾ ക​ണ്ടെ​ത്തി​യ സം​ഭ​വ​ത്തി​ലെ പ്ര​ധാ​ന പ്ര​തി പിടിയിൽ. ആ​റ്റി​പ്ര സ്വദേശി സാ​യി​കു​മാ​റി ( ഷാ​ജി​കു​മാ​ർ -31 ) നെ​യാ​ണ് സ്പെ​ഷ​ല്‍ ആ​ക്ഷ​ന്‍ ഗ്രൂ​പ്പ് എ​ഗൈ​ൻ​സ്റ്റ് ഓ​ർ​ഗ​നൈ​സ്ഡ് ക്രൈം ​ടീ​മി​ന്‍റെ സ​ഹാ​യ​ത്തോ​ടെ തു​മ്പ പൊ​ലീ​സ് അ​റ​സ്റ്റ് ചെ​യ്ത​ത്. ത​മി​ഴ് നാ​ട്ടി​ലെ ഒ​ളി​സ​ങ്കേ​ത​ത്തി​ൽ നി​ന്നുമാണ് ഇയാൾ പി​ടി​യിലായത്.

ക​ഴി​ഞ്ഞ ദി​വ​സം രാ​ത്രി​യോ​ടെ ക​ഴ​ക്കൂ​ട്ടം റെ​യി​ൽ​വേ സ്റ്റേ​ഷ​നു സ​മീ​പ​മാ​ണ് നാ​ട​ൻ ബോം​ബു​ക​ൾ ക​ണ്ടെ​ത്തി​യ​ത്. രാ​ത്രി പ​ട്രോ​ളിം​ഗ് ന​ട​ത്തു​ക​യാ​യി​രു​ന്ന റെ​യി​ൽ​വേ സം​ര​ക്ഷ​ണ സേ​ന​യാ​ണ് സം​ശ​യാ​സ്പ​ദ​മാ​യ രീ​തി​യി​ൽ റെ​യി​ൽ​വേ ട്രാ​ക്കി​ന് സ​മീ​പം നാ​ല് പേ​രെ ക​ണ്ട​ത്.

Read Also : ജാമ്യ വ്യവസ്ഥ ലംഘിച്ചു, പി.സിയെ അറസ്റ്റ് ചെയ്യണമെന്ന് ആവശ്യപ്പെട്ട് ഡിവൈഎഫ്ഐ പ്രവർത്തകന്റെ പരാതി

തുട​ർ​ന്ന്, പൊ​ലീ​സ് സ​ന്തോ​ഷ്, സു​ൾ​ഫി, ഷാ​ജ​ഹാ​ൻ, നാ​സി​ർ റ​ഹ്മാ​ൻ, ഷാ​ജ​ഹാ​ൻ എ​ന്നി​വ​രെ അ​പ്പോ​ൾ ത​ന്നെ പി​ടി​കൂ​ടി​യി​രു​ന്നു. തു​ട​ർ​ന്ന്, ഒ​ളി​വി​ൽ പോ​യ ഒ​ന്നാം പ്ര​തി സാ​യി​കു​മാ​റി​നെ ത​മി​ഴ്നാ​ട് ത​ഞ്ചാ​വൂ​ർ പ​ട്ടു​കോ​ട്ട​യി​ൽ നി​ന്നു​മാ​ണ് പി​ടി​കൂ​ടി​യ​ത്.

നാ​ർ​ക്കോ​ട്ടി​ക് സെ​ൽ എ​സി​പി ഷീ​ൻ ത​റ​യി​ലി​ന്‍റെ​യും സൈ​ബ​ർ സി​റ്റി എ​സി​പി സി.​എ​സ്‌.​ഹ​രി​യു​ടെ​യും നേ​തൃ​ത്വ​ത്തി​ൽ തു​മ്പ എ​സ്എ​ച്ച്ഓ ശി​വ​കു​മാ​ർ, സി​പി​ഓ​മാ​രാ​യ അ​ൻ​സി​ൽ, മ​നു, ബി​നു, സ്പെ​ഷ​ല്‍ ടീം ​അം​ഗ​ങ്ങ​ളാ​യ എ​സ്ഐ യ​ശോ​ധ​ര​ൻ, ഷി​ബു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ അ​റ​സ്റ്റ് ചെ​യ്ത​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡു ചെ​യ്തു.