റിയാദ്: അവധിക്ക് പോയി തിരികെ മടങ്ങിയെത്താത്തവർക്ക് മൂന്ന് വർഷത്തേക്ക് പ്രവേശന വിലക്കേർപ്പെടുത്തുമെന്ന് സൗദി അറേബ്യ. എക്‌സിറ്റ് റീഎൻട്രി വിസയിൽ നാട്ടിൽ പോയിട്ട് കാലാവധി കഴിഞ്ഞിട്ടും മടങ്ങിവരാത്തവർക്കാണ് മൂന്നു വർഷത്തേക്ക് സൗദിയിലേക്ക് പ്രവേശന വിലക്ക് ഏർപ്പെടുത്തിയിരിക്കുന്നത്.
അതേസമയം, ഇത്തരക്കാർക്ക് പഴയ സ്‌പോൺസറുടെ പുതിയ വിസയിൽ തിരിച്ചുവരാൻ കഴിയും. റീഎൻട്രി വിസയുടെ കാലാവധി തീരുന്ന തീയതി മുതലാണ് മൂന്നുവർഷ കാലയളവ് കണക്കാക്കുന്നത്. ആശ്രിത (ഫാമിലി) വിസയിലുള്ളവർക്ക് ഈ നിയമം ബാധകമല്ല. അത്തരം വിസയിലുള്ളവർ റീഎൻട്രി വിസയിൽ നാട്ടിൽ പോയി നിശ്ചിതകാലാവധിക്കുള്ളിൽ മടങ്ങിയില്ലെങ്കിലും പുന:പ്രവേശന വിലക്കുണ്ടാവില്ലെന്ന് അധികൃതർ അറിയിച്ചു.
Read Also: സ്ത്രീയെ ഇടിച്ച ബസ് പിന്തുടര്‍ന്ന് നിര്‍ത്തിച്ച സ്വിഗ്ഗി ബോയിയെ മർദ്ദിച്ചു: പോലീസുകാരനെ സസ്‌പെന്‍ഷൻ
Post Your Comments