ഇന്ത്യ കയറ്റി അയച്ച ​ഗോതമ്പ് ചരക്ക് തിരിച്ചയച്ച് തുർക്കി: കാരണം തേടി കേന്ദ്ര സർക്കാർ

ന്യൂഡൽഹി: ഇന്ത്യ അയച്ച 56,000 ടൺ ​ഗോതമ്പ് വേണ്ടെന്ന് തുർക്കി. കാരണമന്വേഷിക്കാനൊരുങ്ങി കേന്ദ്ര സർക്കാർ. വാണിജ്യ വ്യവസായ മന്ത്രി പിയൂഷ് ​ഗോയലാണ് ഇക്കാര്യം വ്യക്തമാക്കിയത്. ഗോതമ്പിൽ മണ്ണിന്റെയോ വിത്തിന്റെയോ മലനീകരണം മൂലം സംഭവിക്കുന്ന റുബെല്ല വൈറസ് ഉണ്ടെന്ന് കണ്ടെത്തിയതിനെ തുടർന്നാണ് തുർക്കി കയറ്റുമതി നിരസിച്ചതെന്നായിരുന്നു ആരോപണം.

Read Also: യുഎഇയിൽ പൊടിക്കാറ്റ്: മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം

‘മികച്ച ​ഗുണനിലവാരമുള്ള ​ഗോതമ്പാണ് നൽകിയത്. ഐ.ടി.സി ലിമിറ്റഡ് കമ്പനിയാണ് ഈ ​ഗോതമ്പ് ചരക്കയച്ചത്. മികച്ച ​ഗുണനിലവാരത്തിന് പേരു കേട്ടതാണ് ഐ.ടി.സി ലിമിറ്റഡ്. നെതർലന്റിലേക്കയക്കാൻ ധാരണയായ ചരക്കായിരുന്നു ഇത്. നെതർലന്റിലെ മാനദണ്ഡ‍ങ്ങൾ പ്രകാരം ​ഗോതമ്പിന്റെ സുരക്ഷാ പരിശോധന നടത്തിയതാണ്. പക്ഷെ, എന്തു കൊണ്ടാണ് തുർക്കി ​ഗോതമ്പ് ചരക്ക് തിരസ്കരിച്ചതെന്ന് വ്യക്തമല്ല’- മന്ത്രി പിയൂഷ് ​ഗോയൽ പറഞ്ഞു.