വയനാട്: വയനാട്ടില്‍ ബഫർ സോണിനെതിരേ എല്‍.ഡി.എഫ് പ്രഖ്യാപിച്ച ഹർത്താൽ ആരംഭിച്ചു. രാവിലെ ആറു മണി മുതൽ വൈകീട്ട് ആറു വരെയാണ് ഹർത്താൽ. വിവാഹം, ആശുപത്രി, പാൽ, പത്രം എന്നിവയെ ഹർത്താലിൽ നിന്ന് ഒഴിവാക്കിയിട്ടുണ്ട്. സുപ്രീംകോടതി ഉത്തരവിന്‍റെ പശ്ചാത്തലത്തിൽ ഇടുക്കി രൂപതയും സമരത്തിന് ആഹ്വാനം നൽകിയിട്ടുണ്ട്.
വനാതിർത്തിയോട് ചേർന്ന് ജനവാസ മേഖലകൾ കൂടുതലായുള്ള ഇടുക്കിയിൽ സുപ്രീംകോടതി ഉത്തരവ് ജനജീവിതത്തെ പൂർണ്ണമായി ബാധിക്കുമെന്നും കേന്ദ്ര-സംസ്ഥാന സർക്കാരുകളുടെ ഇടപെടലുണ്ടാകണമെന്നും ഇടുക്കി രൂപതാ ബിഷപ് മാർ ജോൺ നെല്ലിക്കുന്നേൽ ആവശ്യപ്പെട്ടു.
അതേസമയം, ജൂൺ 16ന് യു.ഡി.എഫും വയനാട്ടിൽ ഹർത്താൽ പ്രഖ്യാപിച്ചിട്ടുണ്ട്. കാർഷിക മേഖലയുടെ ഭീതി അകറ്റുന്നതിന് കേന്ദ്ര-സംസ്ഥാന സർക്കാറുകളുടെ അടിയന്തര ഇടപെടൽ ആവശ്യപ്പെട്ടാണ് യു.ഡി.എഫ് ഹർത്താൽ പ്രഖ്യാപിച്ചിരിക്കുന്നത്.
Post Your Comments