ഡെറാഡൂണ്‍: അതിര്‍ത്തിയില്‍ രണ്ട് ഇന്ത്യന്‍ സൈനികരെ കാണാതായതായി റിപ്പോര്‍ട്ട്. ചൈനീസ് അതിര്‍ത്തിയില്‍ നിന്നാണ് സൈനികരെ കാണാതായത്. ഉത്തരാഖണ്ഡിലെ രുദ്രപ്രയാഗ് ജില്ലയിലെ ഉഖിമഠ് സ്വദേശികളായ നായിക് പ്രകാശ് സിംഗ് റാണ, ഹരേന്ദര്‍ സിംഗ് എന്നിവരെയാണ് അരുണാചലിലെ അഞ്ജാവ് ജില്ലയിലെ കാജാബ് താഴ്‌വരയില്‍ നിന്ന് കാണാതായത്.
Read Also:മദ്യദുരന്ത കേസിൽ മണിച്ചന് മോചനം: 22 വർഷത്തെ ജയിൽ വാസത്തിന് ശേഷം മണിച്ചൻ പുറത്തേക്ക്
ഇരുവരും നദിയിലേയ്ക്ക് തെന്നി വീണതാണെന്ന് വിവരമുണ്ട്. അബദ്ധത്തില്‍ നദിയിലേയ്ക്ക് വീണ പ്രകാശ് സിംഗ് റാണയെ രക്ഷിക്കാനുള്ള ശ്രമത്തിനിടെ ഹരേന്ദറും അപകടത്തില്‍പ്പെടുകയായിരുന്നു.
ഗര്‍വാള്‍ റൈഫിള്‍സിന്റെ ഏഴാം ബറ്റാലിയനിലെ അംഗങ്ങളാണ് ഇരുവരും. വ്യോമനിരീക്ഷണം അടക്കം നടത്തിയാണ് സൈനികര്‍ക്കായുള്ള തിരച്ചില്‍ നടത്തുന്നത്. ലഭ്യമായ എല്ലാ സംവിധാനങ്ങളും ഉപയോഗിച്ച് സൈനികര്‍ക്കായുള്ള തിരച്ചില്‍ തുടരുകയാണെന്ന് പ്രതിരോധ സഹമന്ത്രി അജയ് ഭട്ട് വ്യക്തമാക്കി.
Post Your Comments