19 രൂപയ്ക്ക് റീചാർജ് ചെയ്യാം: പുതിയ പ്ലാൻ അവതരിപ്പിച്ച് ബി.എസ്.എൻ.എൽ

ന്യൂഡൽഹി: ഉപഭോക്താക്കൾക്ക് പുത്തൻ പ്ലാൻ അവതരിപ്പിച്ച് ബി.എസ്.എൻ.എൽ. 19 രൂപയാണ് പ്ലാനിന് വേണ്ടി ഉപഭോക്താവ് ഒരു മാസം മുടക്കേണ്ടത്. ഏറ്റവും കുറഞ്ഞ നിരക്കിൽ ഉപഭോക്താക്കൾക്ക് പുതിയ പ്ലാൻ നൽകുക എന്ന ലക്ഷ്യമാണ് ബി.എസ്.എൻ.എൽ ഇത്തവണ കാഴ്ച്ചവെച്ചത് . വോയ്‌സ് റെയ്റ്റ് കട്ടർ എന്നതാണ് പ്ലാനിന്റെ പേര്. മുപ്പത് ദിവസത്തേക്ക് ഫോൺ നമ്പർ കട്ടാവാതെ സൂക്ഷിക്കാൻ ഉപഭോക്താവിന് 19 രൂപയ്ക്ക് റീചാർജ് ചെയ്താൽ മതി. ഇത്തരത്തിൽ ഒരു വർഷത്തേക്ക് 228 രൂപയാണ് നൽകേണ്ടത്.

Read Also: വെളുത്തുള്ളി ജ്യൂസ് ഉപയോ​ഗിക്കൂ : ​ഗുണങ്ങൾ നിരവധി

എന്നാൽ, ഈ തുകയ്ക്ക് 3ജി സേവനം മാത്രമേ നിലവിൽ ലഭിക്കുകയുള്ളു. ഉടൻ തന്നെ 4ജിയും ഈ തുകയ്ക്ക് അവതരിപ്പിക്കുമെന്ന് ബി.എസ്.എൻ.എൽ പറയുന്നു. മറ്റ് ടെലികോം സേവനദാതാക്കൾ സമാന സേവനത്തിനായി 50 രൂപ ഈടാക്കുന്നിടത്താണ് ബി.എസ്.എൻ.എൽ 19 രൂപ മാത്രം ഉപഭോക്താക്കളിൽ നിന്ന് ചാർജ് ചെയ്യുന്നത്.