വാഷിംഗ്ടണ്‍: അല്‍ ഖ്വയ്ദ നേതാവിനെ വധിച്ച് അമേരിക്ക. യുഎസ് സഖ്യ സേന നടത്തിയ ഡ്രോണ്‍ ആക്രമണത്തിലാണ് അല്‍-ഖ്വയ്ദ ബന്ധമുള്ള ഹോറസ് അല്‍ ദിന്‍ ഗ്രൂപ്പിലെ മുതിര്‍ന്ന നേതാവ് അബൂഹംസ അല്‍ യെമനി കൊല്ലപ്പെട്ടത്. സിറിയയിലെ ഇദ്ലിബ് പ്രവിശ്യയിലാണ് ഡ്രോണ്‍ ആക്രമണം നടന്നത്.
തിങ്കളാഴ്ച രാത്രി അബൂഹംസ തനിച്ചു ബൈക്കില്‍ യാത്ര ചെയ്യുമ്പോഴായിരുന്നു ഡ്രോണ്‍ ആക്രമണമുണ്ടായത്. ആക്രമണത്തില്‍ മറ്റാര്‍ക്കും പരിക്കേറ്റിട്ടില്ലെന്നും യുഎസ് അറിയിച്ചു. വടക്കുപടിഞ്ഞാറന്‍ സിറിയയില്‍ ഇദ്ലിബ് കേന്ദ്രമാക്കി അല്‍-ഖ്വയ്ദ വിഭാഗങ്ങള്‍ വീണ്ടും ശക്തി പ്രാപിക്കുന്ന സാഹചര്യത്തിലാണ് യുഎസ് ആക്രമണം. മേഖലയിലെ ശക്തരായ തീവ്രവാദി വിഭാഗമാണ് ഹോറസ് അല്‍ ദിന്‍.
2020 ജൂണില്‍, ഹൊറസ് അല്‍-ദിനോടൊപ്പം ജോര്‍ദാനിയന്‍ കമാന്‍ഡറായ ഖാലിദ് അരൂരിയെ ഇഡ്ലിബിലും യുഎസ് സൈന്യം വധിച്ചിരുന്നു. 2019 ഡിസംബറിലെ ഡ്രോണ്‍ ആക്രമണത്തില്‍ മുതിര്‍ന്ന ഹൊറാസ് അല്‍-ദിന്‍ കമാന്‍ഡറും അബു ഖദീജ അല്‍-ഉര്‍ദുനി എന്നറിയപ്പെടുന്ന ജോര്‍ദാന്‍ പൗരന്‍ ബിലാല്‍ ഖുറൈസത്തും കൊല്ലപ്പെട്ടിരുന്നു.
Post Your Comments