ക​ട​ൽ​ക്ഷോ​ഭ​ത്തി​ൽ​പ്പെ​ട്ട് മ​ത്സ്യ​ബ​ന്ധ​ന വ​ള്ളം മുങ്ങി ഒ​രാ​ളെ കാ​ണാ​താ​യി

വൈ​പ്പി​ൻ: ക​ട​ൽ​ക്ഷോ​ഭ​ത്തി​ൽ​പ്പെ​ട്ട് മ​ത്സ്യ​ബ​ന്ധ​ന വ​ള്ളം മുങ്ങി ഒ​രാ​ളെ കാ​ണാ​താ​യി. ബേ​പ്പൂ​ർ സ്വ​ദേ​ശി കു​ഞ്ഞാ​പ്പു (23) വി​നെ​യാ​ണ് കാ​ണാ​താ​യ​ത്. ആ​റു മ​ത്സ്യ​ത്തൊ​​ഴി​ലാ​ളി​ക​ളായിരുന്നു വള്ളത്തിൽ ഉണ്ടായിരുന്നത്. മു​ങ്ങി​യ വ​ള്ള​ത്തി​ൽ പി​ടി​ച്ച് ഒ​രു​ ദി​വ​സം മു​ഴു​വ​ൻ നീ​ന്തി​യ ബാ​ക്കി അ​ഞ്ചു​പേ​രെ അ​തു​വ​ഴി​പോ​യ ക​പ്പ​ലി​ലെ ജീ​വ​ന​ക്കാ​ർ ര​ക്ഷ​പ്പെ​ടു​ത്തി.

26-നു ​ബേ​പ്പൂ​രി​ൽ ​നി​ന്നു മ​ത്സ്യ​ബ​ന്ധ​ന​ത്തി​നു പോ​യ സ​ഫ​ത്ത് എ​ന്ന ഫൈ​ബ​ർ വ​ള്ളം 28-നു ​വൈ​കു​ന്നേ​രം നാ​ലോ​ടെ ചേ​റ്റു​വ ഭാ​ഗ​ത്ത് 25 നോ​ട്ടി​ക്ക​ൽ മൈ​ൽ അ​ക​ലെ പ​ടി​ഞ്ഞാ​റാ​ണ് മു​ങ്ങി​യ​ത്. ക​ട​ൽ​ത്തി​ര​ക​ളി​ൽ​പ്പെ​ട്ട് മു​ങ്ങി​യ വ​ള്ള​ത്തി​ൽ​ നി​ന്ന് ആ​റു​പേ​രും തെ​റി​ച്ചു​പോ​യെ​ങ്കി​ലും കു​ഞ്ഞാ​പ്പു​വി​നൊ​ഴി​കെ മ​റ്റു​ള്ള​വ​ർ​ക്കെ​ല്ലാം വ​ള്ള​ത്തി​ൽ പി​ടി​കി​ട്ടി. ബേ​പ്പൂ​ർ സ്വ​ദേ​ശി​ക​ളാ​യ ഷ​ഫീ​ർ (37), ഷി​ഹാ​ബ് (38) എ​ന്നീ മ​ല​യാ​ളി​ക​ളും മൂ​ന്ന് അന്യസംസ്ഥാന തൊ​ഴി​ലാ​ളി​ക​ളു​മാ​ണ് വ​ള്ള​ത്തി​ൽ പി​ടി​ച്ച് ക​ട​ന്ന​ത്.

Read Also : എസിഐ സർവേ റിപ്പോർട്ട്: ഉയർന്ന സ്കോർ കരസ്ഥമാക്കി സിയാൽ

ഒ​രു രാ​ത്രി മു​ഴു​വ​നും വ​ള്ള​ത്തി​ൽ പി​ടി​ച്ചു നീ​ന്തി​യ ഇ​വ​രെ ക​പ്പ​ൽ ജീ​വ​ന​ക്കാ​ർ ആണ് ക​ണ്ട് ര​ക്ഷ​പ്പെ​ടു​ത്തി​യ​ത്. ക​പ്പ​ലി​ൽ ഇ​വ​ർ​ക്ക് അ​ടി​യ​ന്ത​ര ചി​കി​ത്സ​യും ഭ​ക്ഷ​ണ​വും ന​ൽ​കി. നെ​ടു​മ്പാശ്ശേ​രി​യി​ലെ​ത്തി​ച്ച മ​ത്സ്യ​ത്തൊ​ഴി​ലാ​ളി​ക​ളെ ഫോ​ർ​ട്ടു​കൊ​ച്ചി കോ​സ്റ്റ​ൽ എ​സ്ഐ കെ.​ഇ. ഷാ​ജി, സി​പി​ഒ ശ്രീ​ജി​ത്തും ചേ​ർ​ന്ന് എ​റ​ണാ​കു​ളം ജ​ന​റ​ലാ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ആ​ർ​ക്കും ഗു​രു​ത​ര​മാ​യ പ​രി​ക്കു​ക​ളി​ല്ല. കാ​ണാ​താ​യ മ​ത്സ്യ​ത്തൊ​ഴി​ലാ​ളി​ക്ക് വേ​ണ്ടി തെ​ര​ച്ചി​ൽ തു​ട​രു​കയാണ്.