പിവിആർ ലിമിറ്റഡ്: നടപ്പ് സാമ്പത്തിക വർഷത്തിലെ ലാഭം പ്രഖ്യാപിച്ചു

നടപ്പ് സാമ്പത്തിക വർഷത്തിലെ ആദ്യ പാദത്തിലെ ലാഭം പ്രഖ്യാപിച്ച് മൾട്ടിപ്ലക്സ് സിനിമ തിയേറ്റർ ഓപ്പറേറ്റർമാരായ പിവിആർ ലിമിറ്റഡ്. റിപ്പോർട്ടുകൾ പ്രകാരം, നടപ്പ് സാമ്പത്തിക വർഷത്തിലെ ഒന്നാം പാദത്തിൽ 68.3 കോടിയുടെ ലാഭമാണ് പിവിആർ ലിമിറ്റഡ് നേടിയത്. കൂടാതെ, ഏപ്രിൽ- ജൂൺ മാസം 1,000.4 കോടി രൂപയുടെ വരുമാനവും കൈവരിക്കാൻ കഴിഞ്ഞിട്ടുണ്ട്.

കോവിഡ് പ്രതിസന്ധി കാലയളവിൽ ഈ മേഖലയ്ക്ക് വൻ തിരിച്ചടിയാണ് ഉണ്ടായത്. മുൻ പാദങ്ങളിൽ നഷ്ടം രേഖപ്പെടുത്തിയെങ്കിലും തിയേറ്ററുകൾ സജീവമായതോടെ ലാഭം കൈവരിച്ചിട്ടുണ്ട്. കോവിഡിന് മുൻപ് 2019-20 സാമ്പത്തിക വർഷത്തെ ആദ്യ പാദത്തിൽ 44.2 കോടി രൂപയുടെ ലാഭമാണ് പിവിആർ നേടിയത്.

Also Read: പുതിയ ജിഎസ്ടി നിരക്ക് ഘടന കുത്തക കമ്പനികളെ സഹായിക്കാന്‍ വേണ്ടിയുള്ള കേന്ദ്രത്തിന്റെ ആസൂത്രിതമായ നീക്കം: തോമസ് ഐസക്

സാമ്പത്തിക വർഷത്തിന്റെ ആദ്യ പാദത്തിൽ 14 സ്ക്രീനുകളാണ് തുറന്നിരുന്നു. നടപ്പ് സാമ്പത്തിക വർഷം 125 സ്ക്രീനുകൾ തുറക്കാൻ പിവിആർ ലക്ഷ്യമിടുന്നുണ്ട്.