Latest NewsKeralaNews

കൊച്ചിയില്‍ വന്‍ മയക്കുമരുന്ന് വേട്ട

കൊച്ചിന്‍ കോളേജിന് സമീപത്ത് നിന്നാണ് മയക്കുമരുന്ന് പിടികൂടിയത്

എറണാകുളം: കൊച്ചിയില്‍ വന്‍ മയക്കുമരുന്ന് വേട്ട. മട്ടാഞ്ചേരിയില്‍ നിന്നാണ് വന്‍തോതില്‍ മയക്കുമരുന്ന് ശേഖരം പിടിച്ചെടുത്തത്. മട്ടാഞ്ചേരി കൊച്ചിന്‍ കോളേജിന് സമീപത്ത് നിന്നാണ് മയക്കുമരുന്ന് പിടികൂടിയത്. അഞ്ചു ലക്ഷം രൂപയുടെ എല്‍എസ്ഡി സ്റ്റാമ്പുകള്‍, 567 ഗ്രാം കഞ്ചാവ്, 21.55 ഗ്രാം എംഡിഎംഎ എന്നിവയാണ് പിടികൂടിയത്. പ്രതികളായ മൂന്നുപേരെ വാഹന സഹിതമാണ് മട്ടാഞ്ചേരി പൊലീസ് പിടികൂടിയത്. പശ്ചിമ കൊച്ചിയിലെ വിദ്യാര്‍ത്ഥികളേയും ടൂറിസ്റ്റുകളേയും ലക്ഷ്യമാക്കിയാണ് മയക്കുമരുന്ന് എത്തിച്ചതെന്ന് പിടിയിലായവര്‍ പറഞ്ഞു.

Read Also; ബംഗാള്‍ ഉള്‍ക്കടലില്‍ അതിശക്തമായ ന്യൂനമര്‍ദ്ദം രൂപപ്പെട്ടു: കേരളത്തില്‍ വീണ്ടും അതിതീവ്ര മഴ

എല്‍എസ്ഡി സ്റ്റാമ്പുകള്‍ കൊറിയര്‍ വഴിയും സിന്തറ്റിക്ക് ഡ്രഗ്‌സുകള്‍ ബാംഗ്ലൂരില്‍നിന്ന് നേരിട്ട് എത്തിച്ചുമാണ് വില്‍പന നടത്തിയിരുന്നത്. കോടതിയില്‍ ഹാജരാക്കിയ പ്രതികളെ 14 ദിവസത്തേക്ക് റിമാന്‍ഡ് ചെയ്തു.

 

shortlink

Related Articles

Post Your Comments


Back to top button