Latest NewsDevotional

ലക്ഷ്മീനരസിംഹ പഞ്ചരത്ന സ്തുതി

ത്വത്പ്രഭുജീവപ്രിയമിച്ഛസി ചേന്നരഹരിപൂജാം കുരു സതതം
പ്രതിബിംബാലംകൃതിധൃതികുശലോ ബിംബാലംകൃതിമാതനുതേ ।
ചേതോഭൃങ്ഗ ഭ്രമസി വൃഥാ ഭവമരുഭൂമൌ വിരസായാം
ഭജ ഭജ ലക്ഷ്മീനരസിംഹാനഘപദസരസിജമകരന്ദം ॥ 1॥

ശുക്ത്തൌ രജതപ്രതിഭാ ജാതാ കതകാദ്യര്‍ഥസമര്‍ഥാ ചേ-
ദ്ദുഃഖമയീ തേ സംസൃതിരേഷാ നിര്‍വൃതിദാനേ നിപുണാ സ്യാത് ।
ചേതോഭൃങ്ഗ ഭ്രമസി വൃഥാ ഭവമരുഭൂമൌ വിരസായാം
ഭജ ഭജ ലക്ഷ്മീനരസിംഹാനഘപദസരസിജമകരന്ദം ॥ 2॥

ആകൃതിസാംയാച്ഛാല്‍മലികുസുമേ സ്ഥലനലിനത്വഭ്രമമകരോഃ
ഗന്ധരസാവിഹ കിമു വിദ്യേതേ വിഫലം ഭ്രാംയസി ഭൃശവിരസേസ്മിന്‍ ।
ചേതോഭൃങ്ഗ ഭ്രമസി വൃഥാ ഭവമരുഭൂമൌ വിരസായാം
ഭജ ഭജ ലക്ഷ്മീനരസിംഹാനഘപദസരസിജമകരന്ദം ॥ 3॥

സ്രക്ചന്ദനവനിതാദീന്വിഷയാന്‍സുഖദാന്‍മത്വാ തത്ര വിഹരസേ
ഗന്ധഫലീസദൃശാ നനു തേമീ ഭോഗാനന്തരദുഃഖകൃതഃ സ്യുഃ ।
ചേതോഭൃങ്ഗ ഭ്രമസി വൃഥാ ഭവമരുഭൂമൌ വിരസായാം
ഭജ ഭജ ലക്ഷ്മീനരസിംഹാനഘപദസരസിജമകരന്ദം ॥ 4॥

തവ ഹിതമേകം വചനം വക്ഷ്യേ ശൃണു സുഖകാമോ യദി സതതം
സ്വപ്നേ ദൃഷ്ടം സകലം ഹി മൃഷാ ജാഗ്രതി ച സ്മര തദ്വദിതി।
ചേതോഭൃങ്ഗ ഭ്രമസി വൃഥാ ഭവമരുഭൂമൌ വിരസായാം
ഭജ ഭജ ലക്ഷ്മീനരസിംഹാനഘപദസരസിജമകരന്ദം ॥ 5॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീ ഗോവിന്ദ ഭഗവത്പൂജ്യപാദ ശിഷ്യസ്യ
ശ്രീമച്ഛംകര ഭഗവതഃ കൃതൌ
ലക്ഷ്മീനൃസിംഹ പഞ്ചരത്നം സമ്പൂര്‍ണം ॥

shortlink

Related Articles

Post Your Comments


Back to top button