Latest NewsDevotional

ശ്രീ പഞ്ചമുഖി ഹനുമത് പഞ്ചരത്നം

ശ്രീരാമപാദസരസീരുഹഭൃങ്ഗരാജ-
സംസാരവാര്‍ധിപതിതോദ്ധരണാവതാര ।
ദോഃസാധ്യരാജ്യധനയോഷിദദഭ്രബുദ്ധേ
പഞ്ചാനനേശ മമ ദേഹി കരാവലംബം ॥ 1॥

ആപ്രാതരാത്രിശകുനാഥനികേതനാലി
സഞ്ചാരകൃത്യ പടുപാദയുഗസ്യ നിത്യം ।
മാനാഥസേവിജനസങ്ഗമനിഷ്കൃതം നഃ
പഞ്ചാനനേശ മമ ദേഹി കരാവലംബം ॥ 2॥

ഷഡ്വര്‍ഗവൈരിസുഖകൃദ്ഭവദുര്‍ഗുഹായാ-
മജ്ഞാനഗാഢതിമിരാതിഭയപ്രദായാം ।
കര്‍മാനിലേന വിനിവേശിതദേഹധര്‍തുഃ
പഞ്ചാനനേശ മമ ദേഹി കരാവലംബം ॥ 3॥

സച്ഛാസ്ത്രവാര്‍ധിപരിമജ്ജനശുദ്ധചിത്താ-
സ്ത്വത്പാദപദ്മപരിചിന്തനമോദസാന്ദ്രാഃ ।
പശ്യന്തി നോ വിഷയദൂഷിതമാനസം മാം
പഞ്ചാനനേശ മമ ദേഹി കരാവലംബം ॥ 4॥

പഞ്ചേന്ദ്രിയാര്‍ജിതമഹാഖിലപാപകര്‍മാ
ശക്തോ ന ഭോക്തുമിവ ദീനജനോ ദയാലോ ।
അത്യന്തദുഷ്ടമനസോ ദൃഢനഷ്ടദൃഷ്ടേഃ
പഞ്ചാനനേശ മമ ദേഹി കരാവലംബം ॥ 5॥

ഇത്ഥം ശുഭം ഭജകവേങ്കടപണ്ഡിതേന
പഞ്ചാനനസ്യ രചിതം ഖലു പഞ്ചരത്നം ।
യഃ പാപഠീതി സതതം പരിശുദ്ധഭക്ത്യാ
സന്തുഷ്ടിമേതി ഭഗവാനഖിലേഷ്ടദായീ ॥ 6॥

ഇതി ശ്രീവേങ്കടാര്യകൃതം ശ്രീപഞ്ചമുഖിഹനുമത്പഞ്ചരത്നം സമ്പൂര്‍ണം ।

shortlink

Related Articles

Post Your Comments


Back to top button