ഡൽഹി: ‘ഹർ ഘർ തിരംഗ’ കാമ്പെയ്‌ൻ വെബ്‌സൈറ്റിൽ ഇതുവരെ അഞ്ച് കോടിയിലധികം തിരംഗ സെൽഫികൾ അപ്‌ലോഡ് ചെയ്‌തതായി സാംസ്‌കാരിക മന്ത്രാലയം. ഇത് അതിശയകരമായ നേട്ടമാണെന്നും സാംസ്‌കാരിക മന്ത്രാലയം അറിയിച്ചു. വീടുകളിൽ ദേശീയ പതാക ഉയർത്തുകയോ പ്രദർശിപ്പിക്കുകയോ ചെയ്തുകൊണ്ട് ഹർ ഘർ തിരംഗ പ്രസ്ഥാനത്തിൽ ചേരാൻ 2022 ജൂലൈ 22 ന് പ്രധാനമന്ത്രി നരേന്ദ്ര മോദി ആഹ്വാനം ചെയ്തിരുന്നു.
‘അതിശയകരമായ നേട്ടം, അഞ്ച് കോടിയിലധികം ‘തിരംഗ’ സെൽഫികൾ ‘ഹർ ഘർ തിരംഗ’ വെബ്‌സൈറ്റിൽ അപ്‌ലോഡ് ചെയ്തു. ഇന്ത്യയുടെ ചരിത്രത്തിലെ ഈ പ്രത്യേക നിമിഷം ആഘോഷിക്കുന്ന ഇന്ത്യയിലുടനീളമുള്ള എല്ലാവരുടെയും ലോകമെമ്പാടുമുള്ള എല്ലാവരുടെയും പങ്കാളിത്തത്തിന് നന്ദി. തിങ്കളാഴ്‌ച ഉച്ചതിരിഞ്ഞ് ഏകദേശം 4 മണിക്ക് തിരംഗ സെൽഫികളുടെ എണ്ണം 5 കോടിയിൽ എത്തി,’ സാംസ്‌കാരിക മന്ത്രാലയം അറിയിച്ചു.
Post Your Comments