കേരളത്തിലെ നേതാക്കൾ തമ്മിലുള്ള അഭിപ്രായ വ്യത്യാസങ്ങൾ മാറാൻ ഭാരത് ജോ‍ഡോ യാത്ര സഹായിച്ചു: കെ മുരളീധരൻ

മലപ്പുറം: കേരളത്തിലെ നേതാക്കൾ തമ്മിലുള്ള അഭിപ്രായ വ്യത്യാസങ്ങൾ മാറാൻ ഭാരത് ജോ‍ഡോ യാത്ര സഹായിച്ചെന്ന് മുതിർന്ന കോൺ​ഗ്രസ് നേതാവ് കെ മുരളീധരൻ എം.പി. നേതാക്കൾ തമ്മിൽ മനസിക ഐക്യം ഉണ്ടായെന്നും യാത്ര യു.ഡി.എഫിന് അടുത്ത തെരെഞ്ഞെടുപ്പുകൾക്കുള്ള അടിത്തറ പാകിയെന്നും കെ മുരളീധരൻ അഭിപ്രായപ്പെട്ടു.

‘യാത്രയെ അപഹസിക്കാൻ സി.പി.എം നടത്തിയത് ബോധപൂർവമായ ശ്രമങ്ങൾ ആണ്. ചീപ്പ് പോപ്പുലാരിറ്റിക്ക് വേണ്ടി സി.പി.എം വൃത്തികേടുകൾ കാണിച്ചു.

മുഖ്യമന്ത്രിയും അത്തരത്തിലേക്ക് തരം താണു. എ.ഐ.സി.സി പ്രസിഡന്റ് പ്രതിസന്ധി രണ്ടു ദിവസത്തിനകം തീരും’- കെ മുരളീധരൻ പറഞ്ഞു.