നെടുംകുന്നം: ബൈക്ക് നിയന്ത്രണംവിട്ട് വൈദ്യുതിത്തൂണിലിടിച്ച് പെയിന്‍റിംഗ് തൊഴിലാളി മരിച്ചു. വീരന്മല മ്ലാക്കുഴി വീട്ടില്‍ രാജുവിന്‍റെയും മോളിയുടെയും മകന്‍ ജിജി (28) ആണ് മരിച്ചത്.
ഇന്നലെ ഉച്ചകഴിഞ്ഞ് 2.30-നു മുളയംവേലിക്ക് സമീപം ചമ്പന്നൂര്‍പടിയിലായിരുന്നു അപകടം. വീട്ടില്‍ നിന്നും നെടുംകുന്നത്തേക്ക് വരുമ്പോള്‍ ബൈക്ക് നിയന്ത്രണംവിട്ട് വൈദ്യുതിത്തൂണിലിടിക്കുകയായിരുന്നു. ഗുരുതരമായി പരിക്കേറ്റ ജിജി സംഭവസ്ഥലത്തു വെച്ച്തന്നെ മരിക്കുകയായിരുന്നു.
മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് കൈമാറി. ഭാര്യ: ഷിന്‍റ പാമ്പാടി പള്ളിക്കുന്നേല്‍ കുടുംബാംഗം.
Post Your Comments