കി​ട​പ്പ് രോ​ഗി​യെ ചി​കി​ത്സി​ക്കാ​നെ​ത്തി​ സ്വ​ർ​ണാ​ഭ​ര​ണം മോ​ഷ്ടിച്ചു : ഹോം​നേ​ഴ്സ് അറസ്റ്റിൽ

കൊ​ല്ലം: കി​ട​പ്പ് രോ​ഗി​യെ ചി​കി​ത്സി​ക്കാ​നെ​ത്തി​യ ഹോം​നേ​ഴ്സ് സ്വ​ർ​ണാ​ഭ​ര​ണം മോ​ഷ്ടിച്ച കേസിൽ അറസ്റ്റിൽ. സ്വ​ർ​ണാ​ഭ​ര​ണ മോ​ഷ​ണ​ത്തി​ൽ കാ​യം​കു​ളം പ​ത്തി​യൂ​ർ പേ​രൂ​ർ​ത്ത​റ​യി​ൽ ശ്രീ​ജ (41) ആ​ണ് പൊലീസ് പി​ടി​യി​ലാ​യ​ത്. ഇ​ര​വി​പു​രം പൊലീ​സ് ആണ് പ്രതിയെ പിടികൂടിയത്.

ക​ഴി​ഞ്ഞ​മാ​സം അ​വ​സാ​ന​ത്തോ​ട് കൂ​ടിയാണ് തെ​ക്കേ​വി​ള കു​ന്ന​ത്ത്കാ​വി​ലു​ള്ള കി​ട​പ്പി​ലാ​യ രോ​ഗി​യെ നോക്കാനായി ശ്രീ​ജ വ​ന്ന​ത്. ഒ​രു മാ​സ​ത്തി​ലെ ക​രാ​ർ അ​ടി​സ്ഥാ​ന​ത്തി​ൽ വ​ന്ന ഇ​വ​ർ രോ​ഗി ധ​രി​ച്ചി​രു​ന്ന ക​മ്മ​ലും മോ​തി​ര​വും തട്ടിയെടുത്ത് പ​ക​രം മു​ക്കു​പ​ണ്ടം ധ​രി​പ്പി​ക്കു​ക​യായിരുന്നു. തുടർന്ന്, ക​രാ​ർ ക​ഴി​ഞ്ഞ ഇ​വ​ർ വീ​ട്ടു​കാ​രെ അ​റി​യി​ക്കാ​തെ മ​ട​ങ്ങു​ക​യാ​യി​രു​ന്നു. ഇ​തി​ൽ സം​ശ​യം തോ​ന്നി വീ​ട്ടു​കാ​ർ ന​ട​ത്തി​യ പ​രി​ശോ​ധ​ന​യി​ൽ ആണ് രോ​ഗി​യു​ടെ പ​ക്ക​ലു​ള്ള​ത് മു​ക്കു​പ​ണ്ടം ആ​ണെ​ന്ന് മ​ന​സി​ലാ​യത്. തുടർന്ന്, ഇ​ര​വി​പു​രം പൊ​ലീ​സ് സ്റ്റേ​ഷ​നി​ൽ പ​രാ​തി ന​ൽ​കു​കയായിരുന്നു.

Read Also : കോയമ്പത്തൂർ സ്ഫോടനം: ഐഎസ് ബന്ധം ഉണ്ടെന്ന് പ്രതിയുടെ കുറ്റസമ്മതമൊഴി

തു​ട​ർ​ന്ന്, അ​ന്വേ​ഷ​ണ​ത്തി​ൽ പൊലീ​സ് പ്ര​തി​യെ പി​ടി​കൂ​ടു​ക​യാ​യി​രു​ന്നു. ഇ​ര​വി​പു​രം സ്റ്റേ​ഷ​ൻ ഹൗ​സ് ഓ​ഫീ​സ​ർ അ​ജി​ത്ത് കു​മാ​ർ പി, ​എ​സ്ഐമാ​രാ​യ അ​രു​ണ്‍​ഷാ, സ​ക്കീ​ർ​ഹു​സൈ​ൻ സി​പി​ഒ ശോ​ഭ എ​ന്നി​വ​ര​ട​ങ്ങി​യ സം​ഘ​മാ​ണ് ഇ​വ​രെ അ​റ​സ്റ്റ് ചെ​യ്ത​ത്. പ്രതിയെ കോടതിയിൽ ഹാജരാക്കി.