ഫെഡറൽ ബാങ്കിന്റെ ക്രെഡിറ്റ് കാർഡ് ഉപയോഗിക്കുന്നവർക്ക് സന്തോഷ വാർത്ത. റിപ്പോർട്ടുകൾ പ്രകാരം, ക്രെഡിറ്റ് കാർഡ് ഉപയോക്താക്കൾക്ക് ഗ്രൂപ്പ് ക്രെഡിറ്റ് ഷീൽഡ് വാഗ്ദാനം ചെയ്തിരിക്കുകയാണ് ഫെഡറൽ ബാങ്ക്. ഏജീസ് ഫെഡറൽ ലൈഫ് ഇൻഷുറൻസ് മായുള്ള സഹകരണത്തോടെയാണ് ഉപഭോക്താക്കൾക്ക് ഈ സേവനം ഉറപ്പുനൽകുന്നത്.
ഒരു വർഷക്കാലയളവിൽ ക്രെഡിറ്റ് ലിമിറ്റിന്റെ പരമാവധി തുക മൂന്നുലക്ഷം രൂപ വരെയാണ്. ഇതിലൂടെ, ഉപയോക്താക്കൾക്ക് മൂന്നുലക്ഷം രൂപ വരെ ഇൻഷുറൻസ് സംരക്ഷണം നൽകാനാണ് ക്രെഡിറ്റ് ഷീൽഡിലൂടെ പദ്ധതിയിടുന്നത്. കൂടാതെ, ഒറ്റ പ്രീമിയത്തിലൂടെ ലഭിക്കുന്ന ഉൽപ്പന്നമായതിനാൽ അധിക രേഖകളോ മെഡിക്കൽ പരിശോധനകളോ ഇതിന് ആവശ്യമില്ല. സുരക്ഷയും സംരക്ഷണവും ഉറപ്പുവരുത്തിയതിനു ശേഷം ഏതാനും ക്ലിക്കുകളിലൂടെ ഈ പദ്ധതിയിൽ അംഗമാകാം.
വിവിധ ആവശ്യങ്ങൾക്കായി മൂന്നു തരത്തിലുള്ള ക്രെഡിറ്റ് കാർഡുകളാണ് ഫെഡറൽ ബാങ്ക് വാഗ്ദാനം ചെയ്യുന്നത്. വിസ, മാസ്റ്റർ കാർഡ്, റുപേ എന്നിവരുടെ സഹകരണത്തോടെ സെലസ്റ്റാ, ഇംപീരിയോ, സിഗ്നേറ്റ് തുടങ്ങിയ മൂന്നു തരത്തിലുള്ള ക്രെഡിറ്റ് കാർഡുകളാണ് നൽകുന്നത്.
Post Your Comments