രാഷ്ട്രപതിക്കെതിരായ മന്ത്രിയുടെ അപകീർത്തികരമായ പരാമർശം: മാപ്പ് പറഞ്ഞ് മമത

കൊ​ൽ​ക്ക​ത്ത: രാഷ്ട്രപതി ദ്രൗപദി മുർമുവിനെതിരായ മന്ത്രിയുടെ അധിക്ഷേപ പരാമർശത്തിൽ മാപ്പ് ചോദിച്ച് പശ്ചിമ ബം​ഗാൾ മുഖ്യമന്ത്രിയും തൃണമൂൽ കോൺ​ഗ്രസ് നേതാവുമായ മമത ബാനർജി. മന്ത്രിയുടെ പരാമർശത്തിൽ മമത അപലപിച്ചു. ഭാ​വി​യി​ൽ ഇ​ത്ത​ര​ത്തി​ൽ അ​പ​കീ​ർ​ത്തിപ​ര​മാ​യ പ്ര​സ്താ​വ​ന​ക​ൾ ന​ട​ത്ത​രു​തെ​ന്ന് മന്ത്രി​ക്ക് അ​ന്ത്യ​ശാ​സ​നം ന​ൽ​കി​യ​താ​യും മമത അ​റി​യി​ച്ചു. മന്ത്രിയായ അഖിൽ ​ഗിരിയാണ് രാഷ്ട്രപതിക്കെതിരെ വിവാദ പരാമർശം നടത്തിയത്.

​’രാഷ്ട്രപതിയെ താൻ ഏറെ ബഹുമാനിക്കുന്നുണ്ട്. അ​ത്ത​രം പ​രാ​മ​ർ​ശ​ങ്ങ​ളെ പാ​ർ​ട്ടി ഒ​രി​ക്ക​ലും പി​ന്തു​ണ​ക്കി​ല്ല. അവർ നല്ല സ്ത്രീയാണ്. ഇ​ക്കാ​ര്യ​ത്തി​ൽ പാ​ർ​ട്ടി​ക്കു​വേ​ണ്ടി താ​ൻ മാ​പ്പു​ചോ​ദി​ക്കു​ക​യാ​ണ്. സൗന്ദര്യം എന്നതു നിങ്ങൾ പുറമേ കാണുന്നതല്ല, അതു നിങ്ങളുടെ ഉള്ളിൽ നിങ്ങൾ എങ്ങനെയാണ് എന്നത് ആശ്രയിച്ചാണ്,’ എന്ന് മമത ബാനർജി പറഞ്ഞു.  മാധ്യമങ്ങളിലൂടെയാണ് മമത മാപ്പ് പറഞ്ഞത്.

അഖിൽ ​ഗിരിയുടെ വിവാദ പരാമർശം സ​മൂ​ഹ​മാ​ധ്യ​മ​ങ്ങ​ളി​ല​ട​ക്കം വ​ൻ​തോ​തി​ൽ പ്ര​ച​രി​ക്കു​ക​യും വ്യാ​പ​ക ആ​ക്ഷേ​പ​ത്തി​നി​ട​യാ​ക്കു​ക​യും ചെ​യ്തി​രു​ന്നു. മന്ത്രിയുടെ രാജിയാവശ്യപ്പെട്ട് ബിജെപി രാജ്ഭവനിലേക്ക് മാർച്ച് സംഘടിപ്പിച്ചിരുന്നു. 72 മണിക്കൂർ കഴിഞ്ഞിട്ടും ഗിരിയുടെ രാജി മുഖ്യമന്ത്രി ആവശ്യപ്പെടാത്തത് പ്രതിഷേധാർഹമാണെന്ന് മാർച്ചിന് നേതൃത്വം നൽകിയ പ്രതിപക്ഷ നേതാവ് സുവേന്ദു അധികാരി അഭിപ്രായപ്പെട്ടു.

സംഭവത്തിൽ മന്ത്രി അഖിൽ ​ഗിരി ഖേദം പ്രകടിപ്പിച്ചിരുന്നു. ‘ഞങ്ങൾ ആരെയും അവരുടെ രൂപം നോക്കി വിലയിരുത്തില്ല. രാഷ്ട്രപതിയുടെ ഓഫിസ് ഞങ്ങൾ ബഹുമാനിക്കുന്നു. പക്ഷേ നമ്മുടെ രാഷ്ട്രപതിയെ കാണാൻ എങ്ങനെയാണ്?,’ എന്നായിരുന്നു മന്ത്രിയുടെ പരാമർശം.