ക​ഞ്ചാ​വും ഹാ​ഷി​ഷ് ഓ​യി​ലും നാടൻ ബോംബുമായി യുവാവ് പിടിയിൽ

വെ​ഞ്ഞാ​റ​മൂ​ട്: ക​ഞ്ചാ​വും ഹാ​ഷി​ഷ് ഓ​യി​ലും നാ​ട​ൻ തോ​ക്കു​മാ​യി യു​വാ​വ് അറസ്റ്റിൽ. കോ​ട്ടു​കു​ന്നം ഇ​ട​വം പ​റ​മ്പ് വൃ​ന്ദാ​വ​ന​ത്തി​ൽ ച​ന്തു എ​ന്ന് വി​ളി​ക്കു​ന്ന ദി​ലീ​പി​നെ (40) യാ​ണ് പൊ​ലീ​സ് പി​ടി​കൂ​ടി​യ​ത്. വെ​ഞ്ഞാ​റ​മൂ​ട് പൊലീ​സ് ആണ് യുവാവിനെ പി​ടി​കൂ​ടിയത്.

തി​രു​വ​ന​ന്ത​പു​രം റൂ​റ​ൽ എ​സ്പി​ക്ക് ല​ഭി​ച്ച ര​ഹ​സ്യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ പൊ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​യെ വീ​ട്ടി​ൽ നി​ന്നും പി​ടി​കൂ​ടി​യ​ത്. 1200 ഗ്രാം ​ക​ഞ്ചാ​വ്, ആ​റ് ചെ​റി​യ ബോ​ട്ടി​ൽ ഹാ​ഷി​ഷ് ഓ​യി​ൽ, നാ​ട​ൻ തോ​ക്ക്, ആ​റ് നാ​ട​ൻ ബോം​ബ്, കാ​ട്ടു​പ​ന്നി​യു​ടെ ത​ല​യോ​ട്ടി, നെ​യ്യ്, പെ​രു​മ്പാ​മ്പി​ന്‍റെ നെ​യ്യ്, നാ​ലു ല​ക്ഷ​ത്തോ​ളം രൂ​പ എ​ന്നി​വ​ പൊ​ലീ​സ് ഇ​യാ​ളു​ടെ വീ​ട്ടി​ൽ നി​ന്നും പി​ടി​ച്ചെ​ടു​ത്തിട്ടുണ്ട്. നി​ര​വ​ധി ത​വ​ണ ല​ഹ​രി ക​ട​ത്ത് കേ​സി​ൽ പി​ടി​ക്ക​പ്പെ​ട്ടയാളാണ് ദിലീപെന്ന് പൊലീസ് പറഞ്ഞു.

Read Also : ഏറ്റവും പുതിയ അഞ്ച് പ്രീപേയ്ഡ് പ്ലാനുകളുമായി റിലയൻസ് ജിയോ, കൂടുതൽ വിവരങ്ങൾ അറിയാം

സം​സ്ഥാ​ന​ത്ത് ത​ന്നെ വ​ലി​യ തോ​തി​ലു​ള്ള മ​യ​ക്കു​മ​രു​ന്ന് വി​പ​ണ​ന​മാ​ണ് ഇ​യാ​ളി​ലൂ​ടെ ന​ട​ന്നി​രു​ന്ന​തെ​ന്ന് പൊ​ലീ​സ് പ​റ​ഞ്ഞു. തെ​ലു​ങ്കാ​ന​യി​ൽ വി​ത​ര​ണം ചെ​യ്യു​ന്ന സ​ർ​ക്കാ​ർ റേ​ഷ​ൻ അ​രി 11 ചാ​ക്കോ​ളം പ്ര​തി​യു​ടെ വീ​ട്ടി​ൽ നി​ന്നും ക​ണ്ടെ​ടു​ത്തു. ക​ഞ്ചാ​വും മ​റ്റു മാ​ര​ക​മാ​യ മ​യ​ക്കു​മ​രു​ന്നും ക​ട​ത്താ​ൻ വേ​ണ്ടി​യാ​ണ് ദി​ലീ​പ് റേ​ഷ​ൻ അ​രി​യും ക​ട​ത്തി​യി​രു​ന്ന​ത്. സം​ഭ​വ​വു​മാ​യി ബ​ന്ധ​പ്പെ​ട്ട് ദി​ലീ​പി​ന്‍റെ ഭാ​ര്യ പ്ര​ഭു​ല്ല(32) യെ ​പ്ര​തി​യാ​ക്കി പൊ​ലീ​സ് കേ​സെ​ടു​ത്തി​ട്ടു​ണ്ട്. ഭാ​ര്യ​യാ​ണ് വീ​ട്ടി​ൽ ചി​ല്ല​റ വി​പ​ണ​നം ന​ട​ത്തി​യി​രു​ന്ന​തെ​ന്നും പോ​ലീ​സ് പ​റ​ഞ്ഞു. വീ​ട്ടി​ലേ​ക്ക് ആ​രും ക​ട​ന്നു​ചെ​ല്ലാ​ത്ത രീ​തി​യി​ൽ പ​ത്തോ​ളം നാ​യ്ക്ക​ളെ​യാ​ണ് വ​ള​ർ​ത്തി​യി​രു​ന്ന​ത്.

“യോ​ദ്ധാ​വ്’ പ​ദ്ധ​തി​യു​ടെ ഭാ​ഗ​മാ​യി ല​ഭി​ച്ച ര​ഹ​സ്യ വി​വ​രം റൂ​റ​ൽ എ​സ്പി ഡാ​ൻ​സാ​ഫ് ടീം ​ഡി​വൈ​എ​സ്പി രാ​സി​ത്തി​നു കൈ​മാ​റു​ക​യും തു​ട​ർ​ന്ന്, ആ​റ്റി​ങ്ങ​ൽ ഡി​വൈ​എ​സ്പി​യു​ടെ​യും നേ​തൃ​ത്വ​ത്തി​ൽ വെ​ഞ്ഞാ​റ​മൂ​ട് സ​ർ​ക്കി​ൾ ഇ​ൻ​സ്പെ​ക്ട​ർ സൈ​ജു നാ​ഥ്, സ​ബ് ഇ​ൻ​സ്പെ​ക്ട​ർ​മാ​രാ​യ മ​നോ​ജ്, ശ​ശി​ധ​ര​ൻ നാ​യ​ർ, ഡാ​ൻ​സാ​ഫ് ടീം ​സ​ബ് ഇ​ൻ​സ്പെ​ക്ട​ർ​മാ​രാ​യ ബി​ജു​ഹ​ക്ക്, അ​സി​സ്റ്റ​ന്‍റ് സ​ബ് ഇ​ൻ​സ്പെ​ക്ട​ർ സ​ജു എന്നിവർ ചേർന്നാണ് പ്രതിയെ പിടികൂടിയത്. പ്രതിയെ കോടതിയിൽ ഹാജരാക്കി.