ട്വിറ്ററിൽ ‘സൂയിസൈഡ് പ്രിവൻഷൻ ഫീച്ചർ’ വീണ്ടുമെത്തി, കൂടുതൽ വിവരങ്ങൾ അറിയാം

പ്രമുഖ സോഷ്യൽ മീഡിയ പ്ലാറ്റ്ഫോമായ ട്വിറ്ററിലെ ‘സൂയിസൈഡ് പ്രിവൻഷൻ ഫീച്ചർ’
വീണ്ടും എത്തിയതായി റിപ്പോർട്ട്. ആത്മഹത്യയെക്കുറിച്ച് ചിന്തിക്കുന്ന ആളുകളെ അതിൽ നിന്നും പിന്തിരിപ്പിക്കുന്നതിനായി രൂപകൽപ്പന ചെയ്തതാണ് സൂയിസൈഡ് പ്രിവൻഷൻ ഫീച്ചർ. ഇലോൺ മസ്കിന്റെ ഉത്തരവ് പ്രകാരം, ഈ ഫീച്ചർ നീക്കം ചെയ്തതായി വാർത്തകൾ പ്രചരിച്ചിരുന്നു. ഇതിന് പിന്നാലെയാണ് പുനസ്ഥാപിക്കുകയുമായി ബന്ധപ്പെട്ടുള്ള റിപ്പോർട്ടുകൾ പുറത്തുവന്നിരിക്കുന്നത്. നേരത്തെ ട്വിറ്റർ ട്രസ്റ്റ് ആൻഡ് സേഫ്റ്റി മേധാവി എല്ല ഇൻവിനാണ് ഈ ഫീച്ചർ നീക്കം ചെയ്തതായി അറിയിച്ചത്.

ചില ഉപയോക്താക്കളുടെയും, ഉപഭോക്തൃ സുരക്ഷാ ഗ്രൂപ്പുകളുടെയും ആവശ്യത്തെ തുടർന്നാണ് ഈ ഫീച്ചർ പുനസ്ഥാപിച്ചിരിക്കുന്നത്. റിപ്പോർട്ടുകൾ പ്രകാരം, നിർദ്ദിഷ്ട ഉള്ളടക്കത്തിനായി തിരയുമ്പോൾ ആത്മഹത്യ തടയുന്നതിനുള്ള ഹോട്ട്‌ലൈനുകളും മറ്റു വിവരങ്ങളും പങ്കിടുന്ന #ThereIsHelp ഫീച്ചറാണ് നീക്കം ചെയ്തത്.

Also Read: 19കാരിയായ കോളേജ് വിദ്യാര്‍ത്ഥിനി ജീവനൊടുക്കിയ സംഭവത്തില്‍ 62കാരനായ അമ്മയുടെ അച്ഛന്‍ അറസ്റ്റില്‍