പുനലൂര്‍: പൊലീസ് വാഹനം തല്ലിത്തകര്‍ക്കുകയും പൊലീസ് ഉദ്യോഗസ്ഥരെ ആക്രമിക്കുകയും ചെയ്തയാൾ കാപ്പ നിയമപ്രകാരം അറസ്റ്റിൽ. കാര്യറ ചരുവിള വീട്ടില്‍ നിസാറുദീനെയാണ് (37) അറസ്റ്റ് ചെയ്തത്. കാപ്പ നിയമപ്രകാരം ആണ് ഇയാൾ രണ്ടാം തവണയും അറസ്റ്റിലായത്.
ഇയാള്‍ രണ്ടുമാസം മുമ്പാണ് കാപ്പ പ്രകാരമുള്ള ആറുമാസത്തെ ജയില്‍ വാസം കഴിഞ്ഞ് പുറത്തിറങ്ങിയത്. ശേഷം നിസാറുദീന്‍ കാര്യറ സ്വദേശിയെ കുത്തിക്കൊലപ്പെടുത്താന്‍ ശ്രമിക്കുകയും ആക്രമണം തടയാന്‍ ശ്രമിച്ച എസ്.ഐ ഉള്‍പ്പെടെയുള്ള പൊലീസ് ഉദ്യോഗസ്ഥരെ ആക്രമിക്കുകയും പൊലീസ് വാഹനം തല്ലി തകര്‍ക്കുകയുമായിരുന്നു.
തുടര്‍ന്ന്, റൂറല്‍ എസ്.പി എം.എല്‍. സുനിലിന്റെ നിര്‍ദ്ദേശാനുസരണം ഇയാള്‍ക്കെതിരെ കാപ്പ ചുമത്തുകയും അറസ്റ്റ് ചെയ്ത് പൂജപ്പുര ജയിലിലേക്ക് മാറ്റുകയായിരുന്നു.
Post Your Comments