Latest NewsNewsTechnology

മോട്ടോ ജി23: ഇന്ത്യൻ വിപണി കീഴടക്കാൻ മാർച്ച് 29 മുതൽ എത്തും

6.5 ഇഞ്ച് എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്

പ്രമുഖ സ്മാർട്ട്ഫോൺ നിർമ്മാതാക്കളായ മോട്ടോറോളയുടെ ഏറ്റവും പുതിയ ഹാൻഡ്സെറ്റ് മോട്ടോ ജി23 മാർച്ച് 29 മുതൽ ഇന്ത്യൻ വിപണി കീഴടക്കാൻ എത്തും. ഇതോടെ, സ്മാർട്ട്ഫോൺ പ്രേമികളുടെ വലിയ കാത്തിരിപ്പാണ് അവസാനിക്കുന്നത്. മോട്ടോറോളയുടെ ജി സീരീസ് ഹാൻഡ്സെറ്റുകൾക്ക് ആവശ്യക്കാർ ഒട്ടനവധിയാണ്. മോട്ടോ ജി23- യുടെ പ്രധാന ഫീച്ചറുകൾ എന്തൊക്കെയെന്ന് പരിചയപ്പെടാം.

6.5 ഇഞ്ച് എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 720×1600 സ്ക്രീൻ റെസലൂഷനും, 270പിപിഐ പിക്സൽ ഡെൻസിറ്റിയും ലഭ്യമാണ്. 90 ഹെർട്സാണ് റിഫ്രഷ് റേറ്റ്. മീഡിയടെക് MT6769Z ഹീലിയോ ജി85 പ്രോസസറിൽ പ്രവർത്തിക്കുന്ന ഈ ഹാൻഡ്സെറ്റുകളുടെ ഓപ്പറേറ്റിംഗ് സിസ്റ്റം ആൻഡ്രോയ്ഡ് 13 അടിസ്ഥാനപ്പെടുത്തിയുള്ളതാണ്.

Also Read: അഞ്ചു വയസുകാരിയെ പീഡിപ്പിച്ചു: സിപിഎം പ്രവർത്തകൻ പോക്സോ കേസിൽ അറസ്റ്റിൽ

50 മെഗാപിക്സൽ ട്രിപ്പിൾ ക്യാമറ സജ്ജീകരണമാണ് പിന്നിൽ നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 30 വാട്സ് ഫാസ്റ്റ് ചാർജിംഗ് പിന്തുണയും, 5,000 എംഎഎച്ച് ബാറ്ററി ലൈഫും കാഴ്ചവയ്ക്കുന്നുണ്ട്. 4 ജിബി റാം പ്ലസ് 64 ജിബി ഇന്റേണൽ സ്റ്റോറേജിൽ വാങ്ങാൻ സാധിക്കുന്ന മോട്ടോ ജി23-യുടെ വില സംബന്ധിച്ച വിവരങ്ങൾ കമ്പനി പുറത്തുവിട്ടിട്ടില്ല.

shortlink

Related Articles

Post Your Comments

Related Articles


Back to top button