വീ​ട്ട​മ്മ​യെ കൊ​ല​പ്പെ​ടു​ത്തി​യ കേ​സ് : ഭ​ർ​ത്താ​വി​ന് ജീ​വ​പ​ര്യ​ന്തം ത​ട​വും പിഴയും

മൂ​വാ​റ്റു​പു​ഴ: വീ​ട്ട​മ്മ​യെ കൊ​ല​പ്പെ​ടു​ത്തി​യ കേ​സി​ൽ ഭ​ർ​ത്താ​വി​ന് ജീ​വ​പ​ര്യ​ന്തം ത​ട​വും പിഴയും ശിക്ഷ വിധിച്ച് കോടതി. മൂ​വാ​റ്റു​പു​ഴ പെ​രി​ങ്ങ​ഴ​യി​ൽ വാ​ട​ക​ക്ക് താ​മ​സി​ച്ചു ​വ​ന്ന മാ​റാ​ടി നാ​രി​ക്കോ​ട്ടി​ൽ ഉ​ഷ​യെ (38) കൊ​ല​പ്പെ​ടു​ത്തി​യ കേ​സി​ലാ​ണ് ഭ​ർ​ത്താ​വ് കൊ​ട​ക്കാ​പ്പി​ള്ളി​ൽ മ​ധു​വി​നെ(40) കോടതി ശിക്ഷിച്ചത്. മൂ​വാ​റ്റു​പു​ഴ അ​ഡീ​ഷ​ന​ൽ ഡി​സ്ട്രി​ക്ട്​ ആ​ൻ​ഡ്​ സെ​ഷ​ൻ​സ് ജ​ഡ്ജി ദി​നേ​ശ് എം. ​പി​ള്ള​യാ​ണ്​ ശി​ക്ഷ വി​ധി​ച്ച​ത്. 50,000 രൂ​പ പി​ഴ​യ​ട​ക്കാ​നും കോടതി ശി​ക്ഷി​ച്ചു.

Read Also : വിവാഹ വാഗ്ദാനം നല്‍കി യുവതിയെ പീഡിപ്പിച്ച കേസിൽ പോലീസ് ഉദ്യോഗസ്ഥൻ പിടിയിൽ

2015 മേ​യ് 28-ന് ​രാ​ത്രി​യാ​യി​രു​ന്നു കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്. മ​ധു​വി​ന്‍റെ ര​ണ്ടാം ഭാ​ര്യ​യാ​യി​രു​ന്ന ഉ​ഷ, മൂ​വാ​റ്റു​പു​ഴ​യി​ൽ സ്വ​കാ​ര്യ ക​മ്പ​നി​യി​ൽ സൂ​പ്പ​ർ​വൈ​സ​റാ​യി​രു​ന്നു. ജോ​ലി​ക്ക് പോ​കാ​തെ ക​ഴി​ഞ്ഞു വ​ന്ന പ്ര​തി സാ​മ്പ​ത്തി​ക കാ​ര്യ​ങ്ങ​ൾ പ​റ​ഞ്ഞ് നി​ര​ന്ത​രം വീ​ട്ടി​ൽ വ​ഴ​ക്കു​ണ്ടാ​ക്കി. തുടർന്ന്, സം​ഭ​വ ദി​വ​സം രാ​ത്രി 10.30-ഓ​ടെ പ്ര​തി വീ​ട്ടി​ൽ വ​ഴ​ക്കു​ണ്ടാ​ക്കു​ക​യും വാ​ക്ക​ത്തി​യെ​ടു​ത്ത് ഉ​ഷ​യു​ടെ ത​ല​ക്കും ക​ഴു​ത്തി​നും വെ​ട്ടു​ക​യും ചെ​യ്തു. പ്രാ​ണ​ര​ക്ഷാ​ർ​ഥം ഇ​റ​ങ്ങി​യോ​ടി​യ ഉ​ഷ, അ​യ​ൽ​വാ​സി​യു​ടെ വീ​ടി​നു​മു​ന്നി​ൽ കു​ഴ​ഞ്ഞു​വീ​ണു. ആ​ശു​പ​ത്രി​യി​ലേ​ക്ക് കൊ​ണ്ടു​പോ​കും​വ​ഴി​യാ​ണ്​ മ​രി​ച്ച​ത്. ശാ​സ്ത്രീ​യ തെ​ളി​വു​ക​ളു​ടെ അ​ടി​സ്ഥാ​ന​ത്തി​ലാ​ണ് പ്ര​തി​യെ കോ​ട​തി ശി​ക്ഷി​ച്ച​ത്.

മൂ​വാ​റ്റു​പു​ഴ പൊ​ലീ​സ് ര​ജി​സ്റ്റ​ർ ചെ​യ്ത കേ​സി​ൽ എ​റ​ണാ​കു​ളം റൂ​റ​ൽ എ.​എ​സ്.​പി ആ​യി​രു​ന്ന മെ​റി​ൻ ജോ​സ​ഫാ​ണ് കേ​സ് അ​ന്വേ​ഷ​ണം ന​ട​ത്തി​യ​ത്. പ്രോ​സി​ക്യൂ​ഷ​ൻ 22 സാ​ക്ഷി​ക​ളെ വി​സ്ത​രി​ക്കു​ക​യും 30 രേ​ഖ​ക​ളും എ​ട്ട്​ തൊ​ണ്ടി​മു​ത​ലു​ക​ളും കോ​ട​തി​യി​ൽ ഹാ​ജ​രാ​ക്കു​ക​യും ചെ​യ്തു. പ്രോ​സി​ക്യൂ​ഷ​നു​ വേ​ണ്ടി പ​ബ്ലി​ക് പ്രോ​സി​ക്യൂ​ട്ട​ർ അ​ഡ്വ. അ​ഭി​ലാ​ഷ് മ​ധു ഹാ​ജ​രാ​യി.