റിയാദ്: രാജ്യത്തിന്റെ വിവിധ മേഖലകളിൽ താപനിലയിൽ കുറവ് രേഖപ്പെടുത്തുമെന്ന് സൗദി കാലാവസ്ഥാ നിരീക്ഷണ കേന്ദ്രം. ശനിയാഴ്ച മുതൽ അന്തരീക്ഷ താപനിലയിൽ ഗണ്യമായ കുറവ് രേഖപ്പെടുത്തുമെന്നാണ് സൗദി ദേശീയ കാലാവസ്ഥാ കേന്ദ്രം പ്രവചിച്ചിട്ടുള്ളത്. മെയ് ഒന്ന് തിങ്കളാഴ്ച വരെ ഈ കാലാവസ്ഥ തുടരുമെന്നാണ് പ്രവചനം.
തബൂക്, അൽ ജൗഫ്, നോർത്തേൺ ബോർഡേഴ്‌സ്, ഹൈൽ തുടങ്ങിയ പ്രദേശങ്ങളുടെ വടക്കൻ മേഖലകളിലാണ് ചൂട് ഗണ്യമായി കുറയുന്നത്. മേഖലകളിലെ കുറഞ്ഞ താപനില 6 മുതൽ 10 ഡിഗ്രി സെൽഷ്യസ് വരെയായിരിക്കുമെന്നും അധികൃതർ വ്യക്തമാക്കി.
Read Also: ജീവനക്കാരുടെ ശമ്പളത്തിൽ നിന്നും ഈടാക്കുന്ന തുക കൃത്യമായി ബാങ്കിലടയ്ക്കണം: മനുഷ്യാവകാശ കമ്മീഷൻ
Post Your Comments