ഉപഭോക്താക്കൾക്ക് സന്തോഷവാർത്തയുമായി എത്തിയിരിക്കുകയാണ് പ്രമുഖ വാഹനനിർമ്മാതാക്കളായ ഔഡി. ഔഡി കസ്റ്റമർ എൻഗേജ്മെന്റ് പ്രോഗ്രാമിന്റെ ഭാഗമായി കേരളത്തിലെ ഡീലർ മുഖേന സർവീസ് ആനുകൂല്യങ്ങളും, ഔഡി ക്ലബ് റിവാർഡ് പ്രോഗ്രാമുമാണ് പ്രഖ്യാപിച്ചിരിക്കുന്നത്. ഔഡി കേരളയുടെ എല്ലാ ബ്രാഞ്ചുകളിലും ഈ സേവനം ലഭ്യമാണെന്ന് കമ്പനി അറിയിച്ചിട്ടുണ്ട്. ഔഡി ഇന്ത്യ ‘മൈ ഔഡി കണക്ട്’ എന്ന ആപ്പ് മുഖാന്തരമാണ് ഔഡി ലോയൽറ്റി റിവാർഡ് പ്രോഗ്രാം നടത്തുന്നത്.
ഔഡിയുടെ ഉപഭോക്തൃ കമ്മ്യൂണിറ്റി വിപുലീകരിക്കുന്നതിന്റെ ഭാഗമായാണ് കമ്പനിയുടെ പുതിയ നീക്കം. ഔഡി ആപ്പ് ഡൗൺലോഡ് ചെയ്ത് രജിസ്റ്റർ ചെയ്യുന്നതോടെ ഉപഭോക്താക്കൾക്ക് ഔഡി ഉൽപ്പന്നങ്ങൾ വാങ്ങാനും, എക്സ്ക്ലൂസീവ് സേവനങ്ങൾ ആസ്വദിക്കാനും കഴിയും. ആപ്പ് ഡൗൺലോഡ് കസ്റ്റമേഴ്സിന് എല്ലാ സർവീസ് സെന്ററിലും, ലോയൽറ്റി റിവാർഡ് പ്രോഗ്രാമും, ക്യാഷ് ബാക്ക് ഓഫറും ഒരുക്കിയിട്ടുണ്ട്.
Also Read: ഭക്ഷണം കഴിച്ച് പണം നൽകാതെ മുങ്ങി, മദ്യലഹരിയിൽ പരാക്രമവും: എസ്ഐ അറസ്റ്റിൽ
Post Your Comments