തിരുവനന്തപുരം: ദി കേരള സ്റ്റോറി പോസ്റ്റ് ട്രൂത്ത് സിനിമയാണെന്ന് സിപിഎം സംസ്ഥാന കമ്മിറ്റി അംഗം ചിന്താ ജെറോം. ദക്ഷിണേന്ത്യയിലെ ഏറ്റവും ചെറിയ സംസ്ഥാനമാണ് കേരളം. ഇത് മാതൃകയായി നില്‍ക്കുന്നു. മറ്റ് സംസ്ഥാനങ്ങളുമായി മത്സരിക്കുകയല്ല വികസ്വര രാജ്യങ്ങളോടാണ് മത്സരിക്കുന്നത്.
ദി കേരള സ്റ്റോറി എന്ന സിനിമയുടെ പേര് പ്രശ്നമുണ്ടാക്കുന്നുണ്ടെന്നും ചിന്ത ജെറോം പറഞ്ഞു. ഇത് കേരളത്തിന്റെ യഥാര്‍ത്ഥ കഥയല്ല. ‘പ്രധാനമന്ത്രി ഈ സിനിമയെക്കുറിച്ച് പറയുന്നു. കേരളത്തിന്റെ വിജയത്തെയോ കേരള മോഡലിനെയോ തകര്‍ക്കാന്‍ അവര്‍ [ബിജെപി] ഒരുപാട് കാര്യങ്ങള്‍ ചെയ്യുന്നു. സംസ്ഥാനത്തെ മതനിരപേക്ഷത തകര്‍ക്കാനും വിദ്വേഷം ജനിപ്പിക്കാനുമുള്ള മുന്‍കൂട്ടി ആസൂത്രണം ചെയ്ത അജണ്ടയാണ് കേരള സ്റ്റോറിയിലുള്ളത്. ഈ സിനിമ ഒരു പ്രത്യേക സമുദായത്തിന് എതിരാണ്. അവര്‍ കേരളത്തില്‍ ‘മറ്റുള്ളവരെ’ സൃഷ്ടിക്കുകയാണ്, കേരളത്തിന്റെ സംസ്‌കാരം മതേതരത്വമാണ്, കേരള സ്റ്റോറി പോസ്റ്റ് ട്രൂത്ത് സിനിമയാണ്’, ചിന്ത ജെറോം പറഞ്ഞു.
Post Your Comments