ലാഭക്കുതിപ്പിൽ എ.വി.ടി നാച്വറൽസ്, നാലാം പാദഫലങ്ങൾ പ്രഖ്യാപിച്ചു

നാലാം പാദഫലങ്ങൾ പ്രഖ്യാപിച്ചതോടെ മികച്ച ലാഭവുമായി എ.വി.ടി നാച്വറൽസ്. കഴിഞ്ഞ സാമ്പത്തിക വർഷം ജനുവരി മുതൽ ഏപ്രിൽ വരെയുള്ള പാദത്തിൽ 14.14 കോടി രൂപയുടെ ലാഭമാണ് കമ്പനി കൈവരിച്ചിരിക്കുന്നത്. അതേസമയം, മുൻ വർഷം സമാനപാദവുമായി താരതമ്യം ചെയ്യുമ്പോൾ നേരിയ ഇടിവ് രേഖപ്പെടുത്തിയിട്ടുണ്ട്. ഈ കാലയളവിൽ കമ്പനിയുടെ വരുമാനം മുൻ വർഷത്തെ 133.69 കോടി രൂപയിൽ നിന്നും 133.95 കോടി രൂപയായി. കേരളം ആസ്ഥാനമായി പ്രവർത്തിക്കുന്ന പ്ലാന്റ് എക്സ്ട്രാക്ട്- പ്രകൃതിദത്ത ഭക്ഷ്യ ചേരുവ ഉൽപ്പാദക കമ്പനിയാണ് എ.വി.ടി നാച്വറൽ പ്രോഡക്റ്റ് ലിമിറ്റഡ്.

സാമ്പത്തിക വർഷത്തെ മൊത്തം വരുമാനം 2 ശതമാനം വർദ്ധനവോടെ 684.61 കോടി രൂപയാണ് ഉയർന്നത്. 2021-22 സാമ്പത്തിക വർഷം മൊത്തം വരുമാനം 669.68 കോടി രൂപയായിരുന്നു. കൂടാതെ, കഴിഞ്ഞ വർഷം കമ്പനി 77.39 കോടി രൂപയുടെ ലാഭവും രേഖപ്പെടുത്തി. 2021-22 സാമ്പത്തിക വർഷത്തെ ലാഭം 72.86 കോടി രൂപയായിരുന്നു. ഇത്തവണ നിക്ഷേപകർക്കുള്ള ലാഭവിഹിതത്തിന് കമ്പനി ശുപാർശ ചെയ്തിട്ടുണ്ട്. ഒരു രൂപ മുഖവിലയുള്ള ഓഹരിക്ക് 60 പൈസ വീതം ലാഭവിഹിതത്തിനാണ് കമ്പനി ശുപാർശ ചെയ്തത്.

Also Read: ‘സോറി’ കുടുക്കി, രണ്ട് തവണ കളവ് നടത്തിയ വീട്ടിൽ ‘ഐ ആം സോറി’ കുറിപ്പെഴുതി വച്ചു, ഒടുവില്‍ പിടിയില്‍