45കാ​ര​നെ ക്രൂ​ര​മാ​യി മ​ർ​ദി​ച്ച് അവശനാക്കി: മൂ​ന്നു​പേ​ർ പിടിയിൽ

പ​ട്ടി​ക്കാ​ട്: 45കാ​ര​നെ ക്രൂ​ര​മാ​യി മ​ർ​ദി​ച്ച കേ​സി​ൽ മൂ​ന്നു​പേ​ർ പൊ​ലീ​സ് പിടിയിൽ. മു​ടി​ക്കോ​ട് വെ​ളി​യ​ത്തു​പ​റ​മ്പി​ൽ ഷി​ഹാ​ബ് (32), വ​ട്ട​ക്ക​ല്ല് ക​ണ്ണ​മ്പു​ഴ വീ​ട്ടി​ൽ നെ​ൽ​സ​ൺ (30), വ​ട്ട​ക്ക​ല്ല് നെ​ല്ലി​പ്പ​റ​മ്പി​ൽ ഷെ​ഹീ​ർ (42) എ​ന്നി​വ​രാണ് പൊലീസ് പിടിയിലായത്. ​പീ​ച്ചി പൊ​ലീ​സ് ആണ് വ​ധ​ശ്ര​മ​ത്തി​ന് കേ​സെ​ടു​ത്ത് അ​റ​സ്റ്റ് ചെ​യ്തത്. ചാ​ത്തം​കു​ളം സ്വ​ദേ​ശി ക​റു​പ്പം വീ​ട്ടി​ൽ ഷ​മീ​റി​നെ(45) ആണ് ഇ​വ​ർ മൂ​ന്നു​പേ​രും ചേ​ർ​ന്ന് മ​ർ​ദി​ച്ച് അ​വ​ശ​നാ​ക്കി​യത്.

തോ​ട്ട​പ്പ​ടി അ​ടി​പ്പാ​ത​യി​ൽ ​ആണ് സംഭവം. ബൈ​ക്കി​ൽ വ​രു​ക​യാ​യി​രു​ന്ന ഷ​മീ​റി​നെ മൂ​ന്നു​പേ​രും ചേ​ർ​ന്ന് ഓ​ട്ടോ​റി​ക്ഷ​യി​ൽ പി​ന്തു​ട​രുകയും തു​ട​ർ​ന്ന്, ആ​റാം ക​ല്ല് സ​ർ​വി​സ് റോ​ഡി​ന​ടു​ത്തുള്ള ആ​ളൊ​ഴി​ഞ്ഞ പ​റ​മ്പി​നോ​ട് ചേ​ർ​ന്ന് ഓ​ട്ടോ​റി​ക്ഷ ബൈ​ക്കി​ന് കു​റു​കെ​യി​ട്ട് ത​ട​ഞ്ഞ്, ഷ​മീ​റി​നെ ബൈ​ക്കി​ൽ​നി​ന്ന് ച​വി​ട്ടി താ​ഴെ​യി​ട്ട് ച​വി​ട്ടു​ക​യും ക​മ്പി വ​ടി​കൊ​ണ്ട് ത​ല്ലി​ച്ച​ത​ക്കു​ക​യുമായിരുന്നു. ആ​ക്ര​മ​ണ​ശേ​ഷം ഷ​മീ​റി​നെ ഉ​പേ​ക്ഷി​ച്ച് പ്ര​തി​ക​ൾ സ്ഥ​ലം വി​ട്ടു.

Read Also : നമ്പര്‍ തിരുത്തി വച്ച് എഐ ക്യാമറയെ പറ്റിച്ചത് 51 തവണ: ഒടുവില്‍ പിടി വീണു, യുവാവിന് പിഴ 60,000

ഷ​മീ​റി​ന്‍റെ പ​രാ​തി​യു​ടെ അ​ടി​സ്ഥാ​ന​ത്തി​ൽ പീ​ച്ചി പൊ​ലീ​സ് കേ​സെ​ടു​ക്കു​ക​യാ​യി​രു​ന്നു. സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചാ​ണ് പീ​ച്ചി സ്റ്റേ​ഷ​ൻ ഹൗ​സ് ഓ​ഫീസ​ർ ബി​ബി​ൻ ബി. ​നാ​യ​രും സം​ഘ​വും പ്ര​തി​ക​ളെ പി​ടി​കൂ​ടി​യ​ത്. പ്ര​തി​ക​ൾ മൂ​ന്നു​പേ​രും നി​ര​വ​ധി കേ​സു​ക​ളി​ലെ പ്ര​തി​ക​ളാ​ണെന്ന് പൊലീസ് പറഞ്ഞു.

എ​സ്.​ഐ അ​ജി, എ.​എ​സ്.​ഐ ജ​യേ​ഷ്, എ​സ്.​സി.​പി.​ഒ ര​ഞ്ജി​ത് എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ൽ ഉ​ണ്ടാ​യി​രു​ന്ന​ത്. അറസ്റ്റിലായവരെ കോടതിയിൽ ഹാജരാക്കി.