പ്ര​ണ​യ​ത്തി​ൽ​നി​ന്ന്​ പി​ന്മാ​റി​യതിൽ പ​ക, യുവതിയുടെ വീട് അടിച്ചുതകർത്തു: കാമുകനടക്കം മൂന്നുപേർ പിടിയിൽ

തി​രു​വ​ല്ല: പ്ര​ണ​യ​ത്തി​ൽ​നി​ന്ന്​ പി​ന്മാ​റി​യ പ​ക​യി​ൽ യു​വ​തി​യു​ടെ വീ​ട് അ​ടി​ച്ചു​ത​ക​ർ​ത്ത സം​ഭ​വ​ത്തി​ൽ കാ​പ്പ കേ​സ് പ്ര​തി​യാ​യ കാ​മു​ക​ന​ട​ക്കം മൂ​ന്നു​പേ​ർ അറസ്റ്റിൽ. കാ​പ്പ കേ​സ് പ്ര​തി ച​ങ്ങ​നാ​ശ്ശേ​രി നാ​ലു​കോ​ടി കൊ​ല്ലാ​പു​രം ചെ​മ്മു​ക​ത്ത് വീ​ട്ടി​ൽ പ്ര​ണ​വ് സു​രേ​ഷ് (22), തി​രു​വ​ല്ല മു​ത്തൂ​ർ പ​ള്ളി​ക്കാ​മ​റ്റം വീ​ട്ടി​ൽ ജി​തി​ൻ (22), തി​രു​വ​ല്ല കു​റ്റ​പ്പു​ഴ മാ​ട​മു​ക്ക് ചി​റ​യ​പ​റ​മ്പി​ൽ വീ​ട്ടി​ൽ സി. ​ജി​തി​ൻ (19) എ​ന്നി​വ​രാ​ണ് പി​ടി​യി​ലാ​യ​ത്. പു​ളി​ക്കീ​ഴ് പൊ​ലീ​സാണ് പി​ടി​കൂടിയത്.

Read Also : ഇടത് ഭീകരരെ കുറിച്ച് വിവരം നൽകുന്നവർക്ക് പാരിതോഷികം: ലുക്ക്ഔട്ട് നോട്ടീസ് പുറത്തിറക്കി കേരളാ പോലീസ്

തി​രു​വ​ല്ല​യി​ലെ നി​ര​ണ​ത്ത് വ്യാ​ഴാ​ഴ്ച രാ​ത്രി 12ഓ​ടെ​യാ​യി​രു​ന്നു ആ​​ക്ര​മ​ണം. അ​ഞ്ചു​വ​ർ​ഷ​മാ​യി പ്ര​ണ​വ് യു​വ​തി​യു​മാ​യി അ​ടു​പ്പ​ത്തി​ലാ​യി​രു​ന്ന​താ​യി പൊ​ലീ​സ് പ​റ​ഞ്ഞു. യുവാവിന്റെ ക്രി​മി​ന​ൽ പ​ശ്ചാ​ത്ത​ലം മ​ന​സ്സി​ലാ​ക്കി​യ​തോ​ടെ യു​വ​തി പ്ര​ണ​യ​ത്തി​ൽ​നി​ന്ന്​ പി​ന്മാ​റി. ഫോ​ൺ എ​ടു​ക്കാ​ത്ത​തി​നെ​ത്തു​ട​ർ​ന്ന് യു​വ​തി​യു​ടെ വീ​ട്ടി​ലെ​ത്തി​യ മൂ​ന്നം​ഗ​സം​ഘം മ​ര​ത്ത​ടി ഉ​പ​യോ​ഗി​ച്ച് വീ​ടി​ന്‍റെ ജ​ന​ലു​ക​ളും വാ​തി​ലും അ​ട​ക്കം അ​ടി​ച്ചു​ത​ക​ർ​ത്തു. മു​ൻ​വാ​തി​ൽ ത​ക​ർ​ത്ത് അ​ക​ത്തു​ക​യ​റി​യ പ്ര​തി​ക​ൾ യു​വ​തി​യു​ടെ സ​ഹോ​ദ​ര​ൻ അ​ട​ക്ക​മു​ള്ള​വ​ർ​ക്കു​നേ​രെ ആ​ക്ര​മ​ണം അ​ഴി​ച്ചു​വി​ട്ടു. തു​ട​ർ​ന്ന്, സ്ഥ​ല​ത്തു​നി​ന്ന്​ പോ​യ പ്ര​തി​ക​ൾ അ​ര​മ​ണി​ക്കൂ​ർ ക​ഴി​ഞ്ഞ​പ്പോ​ൾ വീ​ണ്ടും വെ​ല്ലു​വി​ളി​യു​മാ​യി എ​ത്തി.

സം​ഭ​വ​മ​റി​ഞ്ഞ് സ്ഥ​ല​ത്തെ​ത്തി​യ പൊ​ലീ​സ് മൂ​വ​രെ​യും കീ​ഴ്പെ​ടു​ത്തു​ക​യാ​യി​രു​ന്നു. പി​ടി​യി​ലാ​യ പ്ര​ണ​വ് സു​രേ​ഷും ര​ണ്ടാം പ്ര​തി ജി​തി​നും ച​ങ്ങ​നാ​ശ്ശേ​രി, മാ​ന്നാ​ർ സ്റ്റേ​ഷ​ൻ പ​രി​ധി​ക​ളി​ൽ വ​ധ​ശ്ര​മം, അ​ടി​പി​ടി, ബൈ​ക്കി​ൽ എ​ത്തി മാ​ല പൊ​ട്ടി​ക്ക​ൽ തു​ട​ങ്ങി​യ കേ​സു​ക​ളി​ൽ പ്ര​തി​ക​ളാ​ണെ​ന്ന് പൊ​ലീ​സ് പ​റ​ഞ്ഞു. പ്രതികളെ കോടതിയിൽ ഹാജരാക്കി.