ആശുപത്രി കെട്ടിടത്തിൽ നിന്നും ചാടിയ രോ​ഗി മരിച്ചു

തിരുവനന്തപുരം: ആശുപത്രി കെട്ടിടത്തിൽ നിന്നും ചാടിയ രോ​ഗിക്ക് ദാരുണാന്ത്യം. കരിക്കകം സ്വദേശി ​ഗോപകുമാറാണ് ചാടി മരിച്ചത്.

ചൊവാഴ്ച ഉച്ചയോടെ തിരുവനന്തപുരം മെഡിക്കൽ കോളജ് ആശുപത്രിയിൽ ആണ് സംഭവം. ആശുപത്രിയുടെ സൂപ്പർ സ്പെഷ്യാലിറ്റി ബ്ലോക്കിൽ നിന്നും ചാടിയ ഇയാളെ ഉടൻ തന്നെ അത്യാഹിത വിഭാ​ഗത്തിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.

Read Also : കുരങ്ങന്റെ കയ്യില്‍ പൂമാല കിട്ടിയ അവസ്ഥ: മലയാളികള്‍ക്ക് ലൈംഗിക വിദ്യാഭ്യാസത്തിന്റെ കുറവുണ്ടെന്ന് അഭിരാമി സുരേഷ്

രണ്ടാമത്തെ നിലയിൽ നിന്നും താഴെയുള്ള നടുത്തളത്തിലേക്ക് ഗോപകുമാർ വീഴുകയായിരുന്നു. ആത്മഹത്യയെന്നാണ് പ്രാഥമിക നി​ഗമനം. ഏറെ നാളായി ആശുപത്രിയിലെ ഒന്നാം നിലയിലുള്ള നെഫ്രോ വാർഡിൽ വൃക്ക സംബന്ധിച്ച രോ​ഗത്തിന് ​ഗോപകുമാർ ചികിത്സയിലായിരുന്നു.

മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

(ഓർക്കുക ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. ഹെൽപ്പ് ലൈൻ നമ്പർ 1056)