ജ്വ​ല്ല​റി​ക​ളി​ൽ മോ​ഷ​ണം: യു​വാ​വും യു​വ​തി​ അറസ്റ്റിൽ

തൃ​ശൂ​ർ: ജ്വ​ല്ല​റി​ക​ളി​ൽ മോ​ഷ​ണം ന​ട​ത്തു​ന്ന യു​വാ​വും യു​വ​തി​യും പൊലീസ് പി​ടി​യി​ൽ. ത​ല​ശ്ശേ​രി ക​തി​രൂ​ർ റോ​സ് മ​ഹ​ലി​ൽ മി​ഷാ​യേ​ൽ, സു​ഹൃ​ത്ത് പി​ണ​റാ​യി സു​ധീ​ഷ് നി​വാ​സി​ൽ അ​ന​ഘ എ​ന്നി​വ​രെ​യാ​ണ് അറസ്റ്റ് ചെയ്തത്. ഈ​സ്റ്റ് പൊ​ലീ​സ് ആണ് അ​റ​സ്റ്റ് ചെ​യ്ത​ത്.

Read Also : മോദിക്കെതിരെ പരാമർശം: രാഹുൽ ​ഗാന്ധി ശനിയാഴ്‌ച 6 മണിക്കുള്ളില്‍ മറുപടി നല്‍കണമെന്ന് തെരഞ്ഞെടുപ്പ് കമ്മിഷന്റെ നോട്ടീസ്

ന​വം​ബ​ർ 21-നാ​യി​രു​ന്നു അറസ്റ്റിനാസ്പദമായ സംഭവം. തൃ​ശൂ​ർ ന​ഗ​ര​ത്തി​ലെ പ്ര​മു​ഖ ജ്വ​ല്ല​റി​യി​ൽ ​നി​ന്ന് മൂ​ന്ന് പ​വ​ൻ സ്വ​ർ​ണ​മാ​ല മോ​ഷ്ടി​ച്ച​തി​നാ​ണ് ഇ​രു​വ​രും പി​ടി​യി​ലാ​യ​ത്. എ​റ​ണാ​കു​ള​ത്തു​നി​ന്ന് കാ​റി​ൽ എ​ത്തി​യ ഇ​രു​വ​രും തേ​ക്കി​ൻ​കാ​ട് മൈ​താ​നി​യി​ൽ കാ​ർ നി​ർ​ത്തി​യി​ട്ട് ഓ​ട്ടോ​റി​ക്ഷ​യി​ലാ​ണ് ജ്വ​ല്ല​റി​യി​ൽ എ​ത്തി​യ​ത്. താ​ലി​മാ​ല വാ​ങ്ങാ​നെ​ന്ന് ധ​രി​പ്പി​ച്ച ശേ​ഷം മാ​ല​ക​ൾ നോ​ക്കു​ന്ന​തി​നി​ടെ​യാ​ണ് ഒ​രു മാ​ല ജ്വ​ല്ല​റി ജീ​വ​ന​ക്കാ​ര​ന്റെ ക​ണ്ണു​വെ​ട്ടി​ച്ച് കൈ​ക്ക​ലാ​ക്കി​യ​ത്. തു​ട​ർ​ന്ന്, എ.​ടി.​എമ്മിൽ​നി​ന്ന് പ​ണം എ​ടു​ത്തു​വ​രാ​മെ​ന്ന് പ​റ​ഞ്ഞ് ഇ​രു​വ​രും ക​ട​ന്നു​ക​ള​യു​ക​യാ​യി​രു​ന്നു.

വൈ​കീ​ട്ട് സ്റ്റോ​ക്ക് നോ​ക്കു​മ്പോ​ഴാ​ണ് മാ​ല​യു​ടെ കു​റ​വ് ക​ണ്ട​ത്. സി.​സി.​ടി.​വി പ​രി​ശോ​ധി​ച്ച​തി​ൽ ഇ​വ​രു​ടെ മോ​ഷ​ണം ക​ണ്ടെ​ത്തി. വ്യാ​ഴാ​ഴ്ച സ​മാ​ന രീ​തി​യി​ൽ ന​ഗ​ര​ത്തി​ലെ മ​റ്റൊ​രു ജ്വ​ല്ല​റി​യി​ൽ മോ​ഷ​ണ​ത്തി​ന് ശ്ര​മി​ക്കു​ന്ന​തി​നി​ടെ​യാ​ണ് ഇ​രു​വ​രും പി​ടി​യി​ലാ​യ​ത്. പെ​ട്രോ​ൾ​പ​മ്പ് ക​വ​ർ​ച്ച​യു​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യാ​ണ് മി​ഷാ​യേ​ൽ. എ​സ്.​എ​ച്ച്.​ഒ അ​ല​വി, എ​സ്.​ഐ​മാ​രാ​യ ശ​ര​ത്ത്, ജി​നോ​പീ​റ്റ​ർ, എ.​എ​സ്.​ഐ ജ​യ​ല​ക്ഷ്മി, സീ​നി​യ​ർ സി.​പി.​ഒ രാ​ഗേ​ഷ്, സി.​പി.​ഒ മ​ഹേ​ഷ് മ​നോ​ജ് എ​ന്നി​വ​രാ​ണ് സം​ഘ​ത്തി​ലു​ണ്ടാ​യി​രു​ന്ന​ത്.