ശബരിമല: തിരക്ക് നിയന്ത്രണത്തിന്റെ ഭാഗമായി തടഞ്ഞിട്ട വാഹനത്തില് നിന്ന് പുറത്തിറങ്ങി ഭക്ഷണം തേടി നടക്കുന്നതിനിടെ തീര്ത്ഥാടകന് കുഴഞ്ഞുവീണ് മരിച്ചു. തമിഴ്നാട്ടില് നിന്നുള്ള സംഘത്തിലെ ട്രിച്ചി സ്വദേശി പെരിയസ്വാമി(54)യാണ് മരിച്ചത്.
Read Also : ഗവര്ണര്ക്കെതിരെ പ്രതിഷേധം വരുന്ന ദിവസങ്ങളിലും തുടരുമെന്ന് എസ്എഫ്ഐ സംസ്ഥാന സെക്രട്ടറി പി എം ആര്ഷോ
കഴിഞ്ഞ ദിവസം രാത്രി പത്തോടെ പമ്പ പാതയില് പെരുനാട് കൂനങ്കരയിലാണ് സംഭവം. സംഘം എത്തിയ വാഹനം മണിക്കൂറുകളായി പിടിച്ചിട്ടിരിക്കുകയായിരുന്നു. ഭക്ഷണവും വെള്ളവും തേടി സമീപത്തെ കടയിലേക്ക് നടക്കുന്നതിനിടെയാണ് പെരിയസ്വാമി കുഴഞ്ഞുവീണത്. ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.
മൃതദേഹം ആശുപത്രി മോർച്ചറിയിലേക്ക് മാറ്റി.
Post Your Comments