കോട്ടയം: റെയിൽവേ സ്റ്റേഷനിലെ പാർക്കിംഗിൽ ബൈക്കിനു തീപിടിച്ച് കത്തി നശിച്ചു. കൊല്ലാട് വട്ടുകുന്നേൽ അനന്തു സതീഷിന്‍റെ(29) കരിഷ്മ ബൈക്കാണ് കത്തിനശിച്ചത്. സമയോചിത ഇടപെടലിലൂടെ ജീവനക്കാർ തീ കെടുത്തിയതോടെ വലിയ അപകടം ഒഴിവായി.
Read Also : മദ്യപിച്ചെത്തി ഭാര്യയുടെ കണ്ണുകളും കവിളും കടിച്ചുപറിച്ച് ഭർ‍ത്താവ്: കേസെടുത്ത് പോലീസ്
ഇന്നലെ വൈകുന്നേരം 4.30 ഓടെയായിരുന്നു സംഭവം. അനന്തുവും സഹോദരി ആതിരയും മുംബൈക്ക് പോകാൻ റെയിൽവേ സ്റ്റേഷനിൽ എത്തിയതായിരുന്നു. പാർക്കിംഗിൽ ബൈക്കു വച്ച് തിരികെ നടന്നപ്പോഴാണ് പുക ഉയരുന്നത് ശ്രദ്ധയിൽപ്പെട്ടത്. ഉടനെ പാർക്കിംഗ് കേന്ദ്രത്തിലെ ജീവനക്കാരിയോട് അനന്തു വിവരം പറഞ്ഞു. ഇവർ ഉടനെ സഹപ്രവർത്തകരെ വിവരമറിയിച്ചു.
പാർക്കിംഗ് കേന്ദ്രത്തിൽ ഉണ്ടായിരുന്ന തീകെടുത്തുന്ന ഉപകരണമുപയോഗിച്ച് ജീവനക്കാർ തീയണച്ചു. അപ്പോഴേക്കും ബൈക്ക് കത്തി നശിച്ചിരുന്നു. മറ്റു വാഹനങ്ങളിലേക്ക് പടരാതെ തീയണയ്ക്കാനായത് വലിയ ദുരന്തം ഒഴിവാക്കി.
Post Your Comments