വയനാട്: സ്വന്തം സൂപ്പർ മാർക്കറ്റ് കത്തിച്ച് ഉടമസ്ഥൻ. വയനാടാണ് സംഭവം. തലപ്പുഴ ടൗണിലെ ഗ്രാൻഡ് സൂപ്പർ മാർക്കറ്റ് ആണ് കത്തിച്ചത്. സംഭവവുമായി ബന്ധപ്പെട്ട് കടയുടമ വാളാട് സ്വദേശി മുഹമ്മദ് റൗഫ് അറസ്റ്റിലായി. ഇൻഷുറൻസ് തുക ലഭിക്കുന്നതിന് വേണ്ടിയാണ് ഇയാൾ കട കത്തിച്ചത്. ഇയാൾ പോലീസിനോട് കുറ്റം സമ്മതിക്കുകയും ചെയ്തു.
കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. ഫെബ്രുവരി 26-നാണ് കേസിന് ആസ്പദമായ സംഭവം ഉണ്ടായത്. പ്രതിയുടെ ഉടമസ്ഥതയിലുള്ള തലപ്പുഴയിലെ സൂപ്പർ മാർക്കറ്റാണ് തീയിട്ട് നശിപ്പിച്ചത്. അഗ്നിരക്ഷാ സേനയും പോലീസും പ്രദേശവാസികളും സംയുക്തമായി നടത്തിയ പരിശ്രമത്തിനൊടുവിലാണ് തീ നിയന്ത്രണ വിധേയമാക്കിയത്.
പിന്നീട് പോലീസ് നടത്തിയ അന്വേഷണത്തിലാണ് ഉടമ തന്നെയാണ് കട കത്തിച്ചതെന്ന് മനസിലായത്.
Post Your Comments