തിരുവനന്തപുരം: ലോക്സഭാ തിരഞ്ഞെടുപ്പിന്റെ ചൂടിലാണ് രാജ്യം. എന്നാൽ, കോൺഗ്രസിന് വീണ്ടും തിരിച്ചടി നൽകി പ്രവർത്തകർ ബിജെപിയിലേക്ക് ചേക്കേറുന്നു. മഹിളാ കോൺഗ്രസ് സംസ്ഥാന കമ്മിറ്റി അംഗവും എഐസിസി അംഗവുമായ കോൺഗ്രസ് നേതാവ് തങ്കമണി ദിവാകരൻ ബിജെപിയിൽ ചേർന്നു. തിരുവനന്തപുരം എൻഡിഎ സ്ഥാനാർഥിയായ രാജീവ് ചന്ദ്രശേഖരിൽ നിന്നും തങ്കമണി പാർട്ടി അംഗത്വം സ്വീകരിച്ചു.
‘സ്ത്രീകൾക്ക് വേണ്ടത്ര പരിഗണന ലഭിക്കുന്നില്ല. കോൺഗ്രസ് സ്ത്രീകളോട് അവഗണനയാണ് കാണിക്കുന്നത്. 27 വയസ് മുതൽ കോൺഗ്രസിൽ പ്രവർത്തിക്കുകയാണ്. തന്നെ പോലെ നിരവധി സ്ത്രീകൾ പാർട്ടിയിൽ അവഗണിക്കപ്പെടുന്നുണ്ട്. അതുകൊണ്ടാണ് ബിജെപിയിൽ ചേരുന്നതെന്ന്’ തങ്കമണി ദിവാകരൻ പറഞ്ഞു.
2011 ലെ നിയമസഭാ തിരഞ്ഞെടുപ്പിൽ ആറ്റിങ്ങൽ മണ്ഡലത്തിൽ കോൺഗ്രസ് സ്ഥാനാർഥിയായി തങ്കമണി മത്സരിച്ചിരുന്നു. എന്നാൽ എൽഡിഎഫ് സ്ഥാനാർഥിയോട് പരാജയപ്പെടുകയും ചെയ്തിരുന്നു.
Post Your Comments