തൃശൂര്‍: പൊലീസ് അക്കാദമിയില്‍ വനിതാ ഉദ്യോഗസ്ഥയ്ക്ക് നേരെ ലൈംഗികാതിക്രമം. തൃശൂര്‍ രാമവര്‍മപുരത്തുള്ള പോലീസ് അക്കാദമി ആസ്ഥാനത്താണ് സംഭവം. യുവതിയോട് അതിക്രമം കാണിച്ചത് ഓഫീസര്‍ കമാന്റന്റ് റാങ്കില്‍ ഉള്ള ഉദ്യോഗസ്ഥനാണെന്നാണ് പുറത്തുവന്നിരിക്കുന്ന വിവരം. ഓഫീസില്‍ വിളിച്ചുവരുത്തി ലൈംഗികാതിക്രമം നടത്തിയെന്നാണ് പരാതി. ഈ മാസം 17നാണ്.
അക്കാദമി ഡയറക്ടര്‍ക്ക് വനിതാ പൊലീസ് ഉദ്യോഗസ്ഥ പരാതി നല്‍കി. ഉദ്യോഗസ്ഥനെതിരെ നടപടി എടുക്കണം എന്നും, ജോലി മാറ്റം വേണം എന്നും യുവതി ആവശ്യപ്പെട്ടു. അതേസമയം,പരാതിയില്‍ ആഭ്യന്തര അന്വേഷണം നടക്കുന്നുണ്ട്. പരാതിക്കാരിയില്‍ നിന്ന് മൊഴിയെടുക്കുകയും ചെയ്തു. അതിനിടയില്‍ പരാതി ഒത്തുതീര്‍പ്പാനുള്ള ശ്രമം നടക്കുന്നതായും ആരോപണം ഉയര്‍ന്നിട്ടുണ്ട്.
Post Your Comments